Popular Bible Verses from Ézódos 15

Share

o/fu, â ben ba/chi ba-chi kángkáng byěm ḿbyí me n/kabe n/fu, mbyi kanong, ba-tî to byije ejí, mm*ba/chi n-kye běn busông nang bubónge* ḿbú n/kye banet ḿbé Éjip*. Me n-chi i Óburúkpâbí mú mu o-chi i byirwóm enen byi-man.

Óburúkpâbí o-chi i okân-onet-onyii ejí. Nyǐ nké oo/nyii mě. Nyǐ o-chi i Osówo ejí, ne n/chi n-kye ǎ akpee. O-chi i Osówo mú bonchí ejí, ne n/chi n-kwán kyi-kim ne eringe nyí nyǐ mu kiǐtí.

Óburúkpâbí, Osówo o*fí mú mu wǎ wo*. Onet o*fí mú mu kanong wǎ wo*. Onet o*fí mú odachi akat ne biǐtí-byěm wǎ ḿbyí eyên*.

Wo a/tî ocím eyên mú a/ryí a-sí banet ḿbé aa/nyii kámbé. Aa/kúng busa eyên a-bám kámbé ba-ribi ké esí-ociring eyên.

Ne ba-ba-ribi ké kyikit ńkyí badakó Mára, nké omu mú o/mû ké kyikit ánkyi o/mû o-jang ng eruu mú o*fí o-nwa ng ejwáp*. Nkyí nké ba/mû ba-kó ng kyikit ánkyi Mára. Banet ḿbé Ézerel ba-kûshwôn ne Músis, ba-bí ǎ ba/fu, be byi-jwáp ng ebóng. Músis o/fé nshwam o-tii o-kó Óburúkpâbí, ne Óburúkpâbí o-tông ǎ kaǎcê-kyichí ńké o/yip o-twóp ké kafâ-kace, ne omu ámu o-firi mú badajwáp. Ké kyikit ánkyi nké Óburúkpâbí o/kye kámbé byije ḿbyí badakûbám byiko ebe, ne ányi to nké o/kan kámbé