Popular Bible Verses from Ézódos 16

Share

ba-sét kámbé ba/fu, kyi/mû kyi/chi kyi-nyîn bě â Óburúkpâbí o/mû o/ju bě ké Éjip. Áku nang enyam nang byiryíng byirá byi/mû byi/chi byi-já ḿbyí byidaryí byi-kwárê bě. Nké baa/bê ne be ké kyikim-dyikán ńkyín ba/fu, esong eju bě ashí kángkáng. Óburúkpâbí o-sét Músis o/fu, n-kú m-bâ echi byiryíng byi-fím kyíbóng byi-róng kyísí, ḿbyí ben kángkáng badaryí. Banet ḿbé Ézerel ba-man ba-dim kángkáng dyicí ba-da-kúng ḿbyí byi/chi byi-kwárê kámbé ké dyicí ándyi. Ké bukwóp ḿbún, n/chi n-kan kámbé n-ri â mbé ba/chi ba-kûchi ńkyí ndasét kámbé.

Ányi nké mbé ashí kángkáng ba/shwôn ne Músis ne Éron

Ne Músis o-sét kámbé kâng o/fu, Óburúkpâbí nké o/chi o-kye běn enyam nyí badaryí ké dyikurúku ne ocím-berêt nang orá mú bamu ba-ryuu ng ké dyicófóróng, ké nǎ, nyǐ oo/jwo eringe nyǐ baa/bîn ǎ. Â ben ba/bîn bě, ányi ké ntûntû, bamu ba-bîn n Óburúkpâbí.

me nn/jwo byěm ḿbyí banet ḿbé Ézerel mbe ba-bîn n mě. Sét kámbé a/fu, ké dyikurúku, ba/chi ba-ri enyam nyí badaryí, ne ké dyicófóróng, ba/chi ba-já ocím-berêt nang orá mú mbe ba-ryuu ng. Ne mbé ba/chi ba-nyît kâng ba/fu, me Óburúkpâbí n-chi i Osówo ebe.