Popular Bible Verses from Efyíshan 5

Share

Ké eringe nyí ben bamu bwǎn-dyityém-Osówo, ba-man ba-kan ekûkyú dyikpen to wǎ nyǐ. Akpen enen a-man a-kyú ké bubwô ḿbú kyijé ne barî-banet wǎ eringe nyí be byi/jê Karâs ne o-kye kyitông emen ké dyishí eten wǎ eyáré nyí kyifen echi nyí edanyîn kyinung ne kyifen to ńkyí kyidanyîn Osówo dyityém.

Ké bubwô ámbu, kû n̂g ebám akpen enen kanong kanong. *Da n̂g echi ba-kûtî akpen enen wǎ banet ḿbé ba*fí ba-nyît ng chwǒm*. Nké tî n̂g kányí wǎ banet ḿbé mbe ne byinyídíng. Nang ebóng mpât mú ben ba/já, mú badachi chwǒm, chi n̂g kánkyí ké bukwóp ḿbú bunong. Ké ebóng, ací ńnyín něen a-chi i byibî-ací.

*Da n̂g ekûjwáp bato chwóó ḿbé bada běn ebwóm* ḿbé badabên enyam-byiko enen*. Nké Busun-Osówo busú běn ké enyam-byiko. Kû n̂g ekwán kángkáng azong-ekwan-ékwâbashi nyí Karâs ne barî-banet. Kwán n̂ ekwan ba-kye Otu Kyítá ne akpee ké atyém enen. Kángkáng nkéré, kû n̂g ekó Osówo Bonchí eten asǎma ké kángkáng byěm, ké dyizîn ńdyí Jisos Karâs, Otu Kyítá eten.

*Da n̂g echi ba-firi enyam-banet*. Nké kan n̂ ekyé kyikû ba-nyît kyi-kim ne ńkyí Otu Kyítá mu o-ryuu ng o/fu, ben bachi.

Batyép, banyi enen bakû běn ejê wǎ eringe nyí banet-ékwâbashi nyí Karâs ba/jê ǎ, ne o-kye kyitông emen ké ashí ebe.

Ké nǎ, ben to ké byiko enen ba/mû ké kyifip. Nké ké ben ba/firi banet ḿbé Otu Kyítá, ben ba/firi ké kiinwángé. Ben ba-man ba-kyú kâng ké dyikpen ńdyí banet ḿbé mbe ké kiinwángé.

Jwâa n̂g byiko enen kyísí ba-kye barî ké bubwô-ofê enen mú bamu ba-fâ Jisos Karâs.

Banyi, jwâa n̂g byiko enen kyísí ba-kye batyép enen wǎ eringe nyí bamu ba-jwâa ng ba-kyâ Otu Kyítá.

Nké ńkyín kyi/ta běn to. Otyép nang orá o-man o-kyú ne kyijé ne onyi emen wǎ eringe enyam-byiko emen nyi e-nyîn n ǎ. Nké onyi to nang orá o-man o-kye otyép emen ofê.

Wǎ eringe nyí ejá-Osówo nyí ba/sáng kyísí e/fu, ké bubwô ḿbún, onyinchéng o-mîng ng bonchí ne boné, o-da-cibi kyikit kyibónge ne onyi emen, ne mbé ashí afee ba-firi wǎ onet obónge.

*Da n̂g ekûfé abwô enen ké byěm ḿbyí byi*da/byí chwǒm* ḿbyí banet ḿbé mbe ké kyifip mbe ba-chi i*. Nké fîm m̂ kámbyí ba-tî ké kiinwángé.