Popular Bible Verses from Efyíshan 2

Share

Osówo nké o/chi bě. Ne ké ocibi eten ne Jisos Karâs, nyǐ o/chi bě o-tî ké dyikpen ńdyí bǎmkpóngé ḿbé banong echi, ḿbé nyǐ oo/nap kyikû ké esim o-tî bě o/fu, be byichi.

Ké ebóng, ké bubwô-ochwâp mú Osówo nké nyǐ oo/nyii běn ké bubwô-dyityém efé ne Karâs. *Chí ben bayén nké ba/chi kánkyí* nké eyáré nyí Osówo. Chwǒm kyi*fí nyín ńkyí ben badatyem bubwô ké kakim* ké nǎ, kyi*da/fím ké bubwô-busa enen efé*.

Nké bafip ḿbé Osówo mu o-ri ng bě ba/jê kanong kanong, ne kyijé emen ńkyí mu o-tông ng bě kyi/jê to kanong kanong, ḿbyí nang ké nkéré mú byi/mû bii/kpú ké basun, ké byěm ḿbyí Osówo mu o-ryuu ng ḿbyí byi/mû byi*fí byi-chi i* nyǐ o/jwóbê bě byi-bwa ké dyikpen ne Karâs. Nkyi ké ochwâp mú Osówo nké nyǐ oo/nyii běn.

Ké ocibi eten ne Jisos Karâs, Osówo oo/jwóbê bě ne nyǐ, ne o-kúng bě butu kyíbóng.

Ké bubwô ámbu kâng, ben banet ḿbé ba*fí banet-Jûs* ba*fí to bacinbánet*. Ben kántîk ba/firi ké burwám-bayén-oshê ne banet-Osówo, ne banet ké kyikû-banet ńkyí Osówo. Ben to bamu wǎ ekpí-ecing nyí Osówo mu o-kúng ng běn o-bi ké kyikû-ekpe ńkyí banet-kyitwóm-Jisos ne bamkpábé ḿbé badasét byiraa-Osówo. Ochíchí-okpí-ecing mú kángkáng ekpí-ecing nyí áku nyi e-jêem m esim ké mǔ, ányi Jisos Karâs oyén.