Popular Bible Verses from Ekyilyizátes 5

Share

Kabe ne a-raa. *Daryí Osówo ocím mú aa*tî*. Nyǐ mu kyíbóng, wo amu ké esí. Ké bubwô ámbu, *daraa byiraa a-shwôm*.

 Osówo o/kye onet esang ne byěm, o-mîng ǎ o-kyú ké bunyîn-dyityém ne mbyí, o-kó Osówo asǎma, o-kyú ké bunyîn-dyityém ké byěm ḿbyí o/chi bǎmkpóngé o-já.

Onet mú akpuga nyi a-jê ng ǎ, aa*tigi a-kwárê ǎ*. Â amu a-ryuu ng esang, aa*ba/chi a-já kángkáng byěm ḿbyí amu a-ryuu ng*. Kyi*da/byí chwǒm*.

Kám byiko eyên ké nkéré a-kú a-wâa ng ké kiǐtí-kyise-kyifen-Osówo echi. Nkyi kanong ńkyí adace ányi a-da-kwâa byěm kyi-shwôm ńkyí adachi byifen wǎ eringe nyí enyam-banet ḿbé baa*nyît ńkyí nkyi kanong* ne ńkyí nkyi kyibî* mbe ba-chi i.

Ké bubwô ámbu, â amu a-ryí i Osówo ocím, tî kámú babap. Osówo o*fí ne nkéré ne enyam-onet*. Chi ńkyí a/ryí ocím a/fu, wo a-chi i.

Nkyi kanong ńkyí aa*ryí ocím* kyi-shwôm ńkyí adaryí ocím mú aa*man etî*.

Onet mú mu o-chi i bǎmkpóngé, kakíri o-já ng byiryíng ḿbyí odaryí byi-kwárê ǎ, kakíri oo*já*. Nké o-man n ejá bunyîn-dyityém ḿbú odarê burê kanong. Nké onet-esang o-kabe ng byěm chwóó ḿbyí odawaa achi fúú.

Be byimu byi-mîng ng ejíí ńnyín wǎ eringe nyí byi/bê ké nyǐ, abwô ábwo. Nang ké bǎmkpóngé eten kángkáng ḿbé byimu byi-chi i, chwǒm kyi*fí ńkyí byidakúng byi-dim ne nkyí*.