Popular Bible Verses from BALA LUK LINIO 21

Share

Ieh miak miid amung-amung abpa' mateh ratnan matehdeh. Idi na luk idi até kuandeh teh: tido, tangi', idi ét pana' na luk idi. Amung-amung luk mon pangeh netutu'.”

Idi Ieh luk tudo luun kerusi ineh pana' nepebala, “Siruh, Ui nganau' amung-amungneh mebaruh.” Idi kebalaNeh teh, “Do' ngayud, ngaceku bala ini lutep idi matu.”

Ui neninger aceh arod luk rayeh rat bang kerusi ineh kebalaneh, “Ngerawé do'-do'! Su luk inan Allah mudeng nekini idi pad-pad dengan lemulun! Ieh miak tudo pad-pad dengan lemulun idi ideh miak amngun ku pupuNeh. Allah sebuleng miak tudo dengandeh, idi mangun ku Allahdeh.

Idi teh kebalaNeh, “Pangeh neriput! Ui ini Urup luk Pun-pun idi Urup luk Kekiped, ieh ineh Luk Pun-pun idi Luk Kekiped. Kuan lemulun luk meparing Ui miak amré neneh ngirup ratnan bued abpa' luk mulun ineh dengan mo'-mo'.

Lemulun luk metueh miak ngalap ineh rat Negku Ui ini miak mangun ku Allahneh, idi ieh mangun ku anakKu.

Iamo' kuan lun luk matot, idi lun luk na manu, lun luk melutak, lun luk ngaté, lun luk pasét, lun luk mangun idi sembayang inan akang, idi lun luk mebalih, babpatdeh ineh inan déi' bang takung luk mebudung ku apui idi batu apui, ieh ineh até luk kedueh.”

Idi ui nenier aceh langit luk mebaruh idi tana' luk mebaruh; ngaceku langit luk pun-pun idi tana' luk pun-pun ineh pangeh netutu', idi abpa' rayeh na luk idi peh.

Idi ui nenier aceh bawang luk meligan, Yerusalim luk mebaruh, netemurun rat surga ratnan Allah, inayung mepad kudeng seburur decur luk ngaweh inayung pad miak papu' awanneh.

Idi bawang ineh na makai mateh aco idi bulan pana', ngaceku rasat Allah luk ngacang neneh, idi Anak Dumba ineh mangun ku lapungneh. Idi pupu-pupu pana' miak nalan bang acangneh, idi raca'-raca' bang tana' ini nguit do'deh amé' bang bawang ineh.