Popular Bible Verses from BALA LUK LINIO 22

Share

Idi Ui ini Urup luk Pun-pun idi Urup luk Kekiped, Luk Atun idi Luk Muci, Luk Pun-pun idi Luk Kekiped.”

“Ngerawé do'-do'! Ui macing dengan mesaget! Ui nguit tabparKu, pad Ui ngua' kuan anid-anid lemulun maya' kekamenneh.

Idi Roh dengan Decur luk ngaweh pebala, “Amé' tungé!” Idi lemulun luk ninger ineh pana' do' ieh pebala, “Amé' tungé!” Idi lemulun luk meparing do' ieh macing, idi idé-idé luk sikal, do' ieh ngalap abpa' mulun ineh dengan mo'-mo'.

Samal kuan lemulun luk maru' kuyu'deh, pad ideh ngalap lalud amé' matun lawa ulun ineh, idi semuet bang bawang ineh maya' tanga'neh.

Kebala Yésus, “Ngerawé do'-do', Ui macing dengan mesaget.” Samal kuan lemulun luk maya' amung-amung bala luk biré bang surat ini.

Idi na luk idi dacem teh, idi ideh na sikal ku acang ilu' idi acang aco pana', ngaceku Tuhan Allah sebuleng mangun ku acangdeh, idi ideh miak ngimet macing ruked-ruked peh.

Idi Ieh luk maré kali' ratnan amung-amung ini nepebala, “Matu! Ui macing dengan mesaget!” Amin! Do' Iko macing, O Tuhan Yésus. Idi do' katu Tuhan tau Yésus ngedengan amung-amung muyuh. Amin!

Ui ini Yahya maré kali' kuan anid-anid burur luk ninger bala luk biré bang surat ini: kudeng idé lemulun luk ngeluun bala ini, kali' rungen Allah miak ngula' anid-anid dereh luk pangeh inayud bang surat ini kuanneh. Idi kudeng idé lemulun luk ngasi' bala luk biré bang surat ini, kali' rungen Allah miak ngetutu' babpatneh ratnan lawa ulun idi ratnan bawang luk meligan, maya' kudeng luk inayud bang surat ini.