Popular Bible Verses from YEREMIA 31

Share

idi Ui nesilagan kuandeh rat mado. O muyuh lun Israil, Ui megéi' mawa nemuyuh pad Ui megéi' ngegala' éi'Ku.

Ui miak ngato erur lemulun luk merur idi ngebor lemulun luk melaya' ngaceku melau.

Idi kareb ineh, ini jani' luk miak ruenKu dengan pupu Israil. Ui miak nganau' balaKu bang terawédeh, idi ngayud bala ineh bang niatdeh. Ui miak mangun ku Allahdeh, idi ideh mangun ku pupuKu. Idi na ideh megéi' mada' nelun dengandeh, idi pebala inan kinanak-kinanakdeh, ‘Do' muyuh miti Tuhan,’ ngaceku amung-amungdeh miak miti Negku, anak-anak idi lun rayeh pana'. Ui miak maré do' ratnan sala'deh idi na ngerawé kekamendeh luk dat teh. Ui ini Tuhan pangeh nepebala.”

Kebala Tuhan, “Tarekneh malé macing kareb Ui miak nganau' aceh pejani' luk mebaruh dengan pupu Israil idi Yahuda. Na ieh mepad kudeng pejani' luk inau'Ku dengan tepundeh kareb Ui nguyut nedeh remuat rat bang bawang Masir. Na ideh lutep maya' pejani' luk inau'Ku kuandeh, sagan tu pana' Ui luk mangun ku Tuhandeh. Ui ini Tuhan pangeh nepebala.