Popular Bible Verses from IBERANI 13

Share

Do' muit burur muyuh ratnan mawa ku usin, idi do' muyuh mawang niat ratnan anun-anun luk inan bang palad muyuh; ngaceku Allah pangeh pebala, “Idi na tu-tu Ui miak nima' namu, idi na tu-tu Ui miak necan namu.”

Yésus Keristus ineh na miak misu', do' so nilad, idi aco sini pana', idi ruked-ruked teh.

Ngaceku ineh do' tau mekuu' pebala, “Tuhan ineh Lun Ngedengan negku, idi na ui matot peh. Anunké luk miak ruen lemulun kuanku?”

Idi aleg muyuh mekelupan nganau' luk do' idi méi' nelun, ngaceku baré luk kudeng ineh luk pian Allah.

Ngaceku ineh dengan dalan Yésus ineh do' tau megéi' maré kuan Allah baré ubur tau, ieh ineh bua'-bua' bibir tang tau luk ngamo ngadanNeh.

Idi ratnan paweh, do' ieh buren arang amung-amung lemulun, idi luk inan rudap na mangun melutak; ngaceku lemulun luk mesawa' idi lemulun luk pasét miak kumin Allah.

Aleg muyuh mekelupan ratnan nawar lun sakai, ngaceku dengan luk kudeng ineh lemulun pangeh nenganak melaikat dengan na kali'.

Allah pangeh nenui Tuhan tau Yésus Keristus ratnan até. Ngaceku dara'Neh, nekini Ieh mangun ku Lun Matar Dumba luk Rayeh. Idi dengan dara'Neh ineh pejani' luk meruked ineh pangeh itu. Do' Allah luk lawa awang ineh nganau' nemuyuh temina' maya' pianNeh, pad muyuh miak nganau' tuda'-tuda' kekamen luk do'. Idi do' Ieh ngisu' amung tau, pad tau maya' luk petulu pa kiungNeh bang Yésus Keristus. Idi rayeh kuanNeh macing ruked-ruked. Amin.