Popular Bible Verses from YAKUB 1

Share

O kinanak-kinanakku, kareb muyuh mebpeh bang anid-anid tutun, do' mala amungneh ineh mangun ku awang mo'; ngaceku muyuh kali' tutun anu muyuh ineh ngacing inan ulai niat.

Kudeng inan seburur rat arang muyuh luk na petap ileh, idi do' ieh mutuh inan Allah, luk maré dengan mekatu kuan anid-anid lemulun dengan na ngesala' neneh, idi kali' rungen miak barén kuanneh.

Do' ngerawé bala ini, O kinanak-kinanak luk inanku mawa. Do' anid-anid burur lemulun mesaget ninger idi mulai peburi', idi mikat museh.

Idi do' ulai niat muyuh meriput, pad muyuh mangun meligan idi petap anu idi na masi' bang anun-anun pana'.

Iamo' do' muyuh mangun ku lun luk maya' bada' ineh, baken lemulun luk ninger mo' idi naluk bururdeh sebuleng.

Samal kuan lemulun luk mulai niat mabeh amung-amung tutun, ngaceku pangeh ieh tuman ratnan tutun, ieh miak ngalap pata ulun, luk pijani' Tuhan kuan amung-amung lemulun luk mawa Neneh.

Anid-anid baré luk do' idi anid-anid katu luk meriput ineh macing rat surga idi temurun ratnan Taman, lawa amung-amung acang. Idi Ieh luk na miak misu' idi lungung-lungung luk medacem pana' na.

Kudeng idé-idé luk ninger bada' ineh, iamo' na maya', ieh mepad kudeng selemulun luk nier kiungneh bang sayun. Ieh nier bururneh idi petacu nalan, idi ieh mekelupan ratnan kudeng apeh ayuneh ineh.

Baya' luk meligan idi meriput pa kiung Allah Taman, ieh ineh ngikak anak maté idi decur tinula' bang susa'deh, idi ngasa' burur pad na uen tana' ini ngelutak.

Aleg seburur pebala kareb ieh mekaneh tutun, “Ui nekaneh tutun Allah,” ngaceku Allah na tinutun ku luk dat idi Ieh sebuleng na nutun seburur pana' ku luk dat. Iamo' lemulun mekaneh tutun kareb ieh rinuid idi tiban ratnan pian buruneh sebuleng.

Do' kinanak luk masi' mawang niat kareb ieh uen Allah ngedita'