Popular Bible Verses from EPESUS 4

Share

Do' muyuh méi' seburur dengan seburur, idi mebeneh niat, idi pedo' seburur dengan seburur, mepad kudeng Allah pana' bang Keristus pangeh nemaré do' kuan muyuh.

Do' muyuh mebeneh niat, melaya' niat, idi mulai niat. Idi teh do' ngegala' awa muyuh idi ngedengan seburur dengan seburur.

Aleg ngeruat bala luk dat, iamo' ngeruat bala luk do' idi luk petulu pad ngacing peruan kuan lemulun luk ninger bala muyuh ineh.

Do' amung-amung luk mepét, megateh nait, useh, kedaluh, idi kuyo talan rat arang muyuh dengan amung-amung luk dat.

Kudeng muyuh museh, aleg nganau' sala', aleg muyuh nganug useh muyuh pad aco macep. Aleg muyuh maré luk inan kuan Iblis.

Ngaceku ineh do' nala' ulun muyuh luk mon luk nenguit nemuyuh mulun maya' ulun muyuh luk atun luk uen ngaté ngaceku pinianneh luk naluk. Do' amung terawé muyuh idi niat muyuh ruen mebaruh. Do' ngayung ku ulun luk mebaruh, luk inau' maya' ayu Allah, idi luk uen ngegala' bang ulun luk matu, mesiri, idi meligan.

Do' muyuh mekél ngita rurum luk biré Roh Allah nemuyuh, dengan abet awang idi pedo'.

Ieh luk maré baré-baré kuan lemulun. Ieh nengiding sebuang lemulun mangun ku rasul-rasul, sebuang mangun ku nabi-nabi, sebuang mangun ku lun mada' Bala luk Do', idi sebuang mangun ku gembala idi guru. Ieh nenganau' ini pad ngeletep lun manu kuan kekamen Tuhan, pad ngetueh burur Keristus. Kudeng ineh teh amung-amung tau macing inan sebuleng rurum bang anu idi ileh ratnan Anak Allah. Tau mangun ku lun merar luk iuk-iuk amé' meriput petulu dengan rayeh Keristus.

Pad tau na mangun ku anak-anak peh luk lipak-lipak mepad kudeng ribut luk iniup amung-amung bui bada' luk bida' lemulun dengan saluk idi ilehdeh luk dat ineh, idi luk ngeraruh lemulun ku ilehdeh ineh. Iamo' dengan pebala luk matu dengan awa, do' tau mangun meriput bang Keristus luk mangun ku Lun Rayeh.