Popular Bible Verses from EPESUS 5

Share

Ngaceku muyuh ineh lun manu inan Allah mawa' do' muyuh nutun maya' ayuNeh. Idi mulun bang awa, mepad kudeng Keristus pana' pangeh mawa netau, idi pangeh nemaré bururNeh ngaceku tau, mangun kuk aceh baré luk do' buen idi aceh luk barén luk inan Allah mawang niat.

Ngaceku ineh ngerawé do'-do' ratnan kudeng apeh muyuh mulun. Aleg mulun mepad kudeng lemulun luk mebacé, iamo' do' mepad kudeng lemulun luk mileh, dengan na nala' kareb, ngaceku kareb ini kareb luk dat.

Aleg muyuh mabuk ku arak luk ngusag ulun muyuh, iamo' do' muyuh mepanu' ku Roh. Idi pebala arang muyuh sebuleng dengan nani ubur, idi ubur-ubur, idi nani luk ratnan Roh. Idi do' muyuh menani idi ngitang dengan ubur dengan amung niat muyuh kuan Tuhan. Megéi' maré ubur bang luk anun-anun kuan Allah Taman dengan ngadan Tuhan tau Yésus Keristus.

Aleg muyuh mebacé, iamo' do' muyuh nakap luk pian Tuhan ruen muyuh.

O deléi luk inan awan, mawa inan decur muyuh, mepad kudeng Keristus pana' pangeh mawa inan sidang, idi nemaré bururNeh ngaceku sidang ineh.

Atun muyuh pekalai bang dacem, iamo' nekini muyuh luk manu idi mulun bang acang Tuhan, idi petulu muyuh mulun mepad kudeng anak-anak acang.

Ngebeneh burur muyuh seburur dengan seburur dengan matot inan Keristus.

O decur luk inan awan, do' muyuh mebeneh ratnan deléi muyuh mepad kudeng kuan Tuhan

Iamo' do' amung-amung muyuh mawa inan decur muyuh sebuleng mepad kudeng burur muyuh sebuleng; do' decur luk inan awan ineh ngedita' deléineh.

Maya' kudeng luk inayud, “Ini punneh seburur lemulun sikal necan taman-tinanneh, idi pamung dengan awanneh, idi didueh ineh mangun ku sebuleng uang mo' peh.”

Aleg muyuh perurum bang kekamen lemulun luk nganau' luk na petulu, iamo' meluun do' ngesala' kekamen ineh. (