1
1 YAHYA 4:18
BALA LUK DO'
BLD
Bang awa na luk idi tot, iamo' awa luk meriput nala' amung-amung tot, ngaceku tot ineh ngacing ukum, idi lemulun luk matot nateh riniput bang awa.
Compare
Explore 1 YAHYA 4:18
2
1 YAHYA 4:4
O anak-anakku, muyuh ini ratnan Allah. Muyuh pangeh nengelaya' nabi luk mebalih ineh ngaceku Roh luk bang nemuyuh meluun lalud ratnan Roh luk bang lemulun luk bang ulun tana ini.
Explore 1 YAHYA 4:4
3
1 YAHYA 4:19
Tau mawa ngaceku Allah pun-pun mawa netau.
Explore 1 YAHYA 4:19
4
1 YAHYA 4:7
O amung-amung luk inanku mawa, do' tau mawa seburur kuan seburur; ngaceku awa ineh ratnan Allah. Idé-idé luk inan awa, ieh ineh tinganak ratnan Allah idi ngiti Allah.
Explore 1 YAHYA 4:7
5
1 YAHYA 4:8
Lemulun na mawa ineh na ieh ngiti Allah ngaceku Allah ineh awa.
Explore 1 YAHYA 4:8
6
1 YAHYA 4:10
Kudeng ini awa ineh: baken ngaceku tau mawa inan Allah, iamo' ngaceku Allah mawa netau, idi nengecuk AnakNeh mangun ku baré pedo' ratnan amung-amung sala' tau.
Explore 1 YAHYA 4:10
7
1 YAHYA 4:11
O amung-amung luk inanku mawa kudeng Allah panegh mawa netau kudeng ineh, idi petulu tau ini pana' mawa seburur dengan seburur.
Explore 1 YAHYA 4:11
8
1 YAHYA 4:9
Kudeng ini lawéneh Allah nengegala' awaNeh kuan tau: Ieh pangeh nengecuk AnakNeh luk sebuleng semuet bang tana' ini pad rat Neneh ineh tau miak ngalap ulun.
Explore 1 YAHYA 4:9
9
1 YAHYA 4:20
Kudeng idé lemulun luk pebala, “Ui mawa inan Allah,” iamo' ieh megateh inan kinanakneh, idi lemulun ineh mebalih, ngaceku lemulun luk na mawa inan kinanakneh luk sirenneh, idi na ieh miak mawa inan Allah luk nateh sinierneh.
Explore 1 YAHYA 4:20
10
1 YAHYA 4:15
Idé-idé luk ngamo idi Yésus ineh Anak Allah, idi Allah ineh mulun bang neneh idi ieh pana' mulun bang Allah.
Explore 1 YAHYA 4:15
11
1 YAHYA 4:21
Ukum ini pangeh biré Keristus kuan tau: lemulun luk mawa inan Allah, na miak na mawa inan kinanakneh teh.
Explore 1 YAHYA 4:21
12
1 YAHYA 4:1-2
O amung-amung luk inanku mawa, aleg muyuh manu ku bala anid-anid lemulun luk ngamo neneh pangeh nengalap Roh Allah, iamo' do' muyuh nutun nedeh, pad muyuh kali' kudeng roh luk ilapdeh ineh macing ratnan Allah. Ngaceku mula' nabi luk mebalih pangeh neremuat iné' iapeh-iapeh. Kudeng ini lawéneh muyuh miak ngiti Roh Allah: idé-idé luk ngamo Yésus Keristus nacing mepad kudeng lemulun, ieh ineh ratnan Allah
Explore 1 YAHYA 4:1-2
13
1 YAHYA 4:3
idi idé-idé luk na ngamo Yésus ineh, baken ieh nengalap roh luk ratnan Allah, iamo' roh ineh bunu' Keristus. Muyuh pangeh neninger ratnan acingneh, idi nekini ieh idi bang tana' ini.
Explore 1 YAHYA 4:3
