Popular Bible Verses from 1 KORINTUS 13

Share

Awa ineh mulai niat idi méi'; awa ineh na temaruh; na ngedita' bururneh sebuleng, na mesido' niat. Awa ineh na nganau' luk na petulu; na nakap luk kuan bururneh sebuleng; na megateh niat; na ngerawé sala' dulun.

Awa ineh tuman ratnan luk amung-amung, anuneh, rapetneh, idi ulai niatneh tuman macing ruked-ruked.

Awa ineh na mawang niat ngaceku ratnan luk dat, iamo' mawang niat ngaceku ratnan luk matu.

Idi inan anu, rapet, idi awa, luk teluh ini; iamo' ratnan luk teluh ini luk meluun rayeh, ieh ineh awa.

Awa ineh meruked peh; baré mada' luk biré Allah segageh mo', baré buri' luk ratnan Roh miak milep, idi ileh pana' miak ugka'.

Kudeng ui pebala dengan tuda'-tuda' buri' lemulun idi melaikat pana', iamo' ui na mawa, kali' rungen ui pangeh mangun kudeng aceh tawak luk muni, idi karing luk ngekéng.

Kudeng ui inan baré mada' luk biré Allah, idi ui inan ileh idi kali' amung-amung luk inalum, idi kudeng ui inan anu luk meriput, pad ui miak mubuh pegkung pana', iamo' kudeng ui na mawa, kali' rungen ui pana' na ulek.

Kudeng ui maré binawehku nelun masi', idi maré bururku sabpen pana', iamo' kudeng ui na mawa, nateh ulekneh kuanku.

Kareb ui anak isuut, ui pebala, idi kali', idi ngerawé mepad kudeng anak isuut. Nekini ui pangeh rayeh, idi ui necan amung-amung kekamen anak isuut.