Popular Bible Verses from 1 KORINTUS 12

Share

Iamo' tanu' ratnan Roh ineh biré kuan anid-anid burur, pad ngacing do' kuan amung-amung.

Idi muyuh ini burur Keristus, idi amung-amung muyuh babpatNeh.

Kudeng sebuleng babpat ineh mét, idi amung-amung babpat ineh pana' mét teh. Idi kudeng sebuleng babpat buren, idi amung-amung babpat ineh pana' mawang niat peh.

Kuan seburur, Roh maré bala ileh; idi kuan lun baken, bala kali' barén Roh ineh teh. Kuan seburur, Roh ineh maré anu, idi kuan lun baken, Roh luk sebuleng ineh maré baré ngedo' lun mét. Kuan seburur, Roh maré baré nganau' kekamen luk melalud, idi kuan lun baken, baré mada' luk biré Allah, idi kuan lun baken Ieh maré ileh ngiti baré luk ratnan Roh, idi baré luk baken ratnan Roh. Kuan lun baken Ieh maré buri' luk ratnan Roh, idi kuan lun baken ileh ngelio ilung buri' ineh.

Iamo' amung-amung ineh kekamen Roh luk sebuleng ineh teh. Ieh maré kuan anid-anid burur, maya' pianNeh sebuleng.

Idi na luk idi dat rurum bang burur, iamo' amung-amung babpat ineh pad-pad pasa'.

Inan tuda'-tuda' baré Roh, iamo' amung ineh biré Roh luk sebuleng ineh. Inan tuda'-tuda' kekamen ngasa', iamo amung ineh biré Tuhan luk sebuleng ineh. Idi inan tuda'-tuda' kekamen luk melalud, iamo' lalud ineh biré Allah luk sebuleng ineh kuan amung lemulun.

Allah pangeh nengeletep kekamen bang sidangNeh: luk pun-pun rasul-rasul, luk kedueh nabi-nabi, luk keteluh guru-guru, idi luk muci lun luk nganau' kekamen luk melalud, idi luk muci teh lun luk inan baré ngedo' lun mét, lun luk ngedengan, lun luk ngimet, idi lun luk pebala dengan buri' luk ratnan Roh.

Ngaceku burur ineh pana' baken sebuleng babpatneh, iamo' mula'.

Idi teh amung-amung babpat burur luk ayuneh pelaba laya', ieh ineh meluun rayeh ulek.

Kudeng amung burur ineh mangun ku mateh, su apehké luk ninger ineh? Idi kudeng amungneh ineh mangun ku luk ninger, su apehké luk muen ineh? Iamo' Allah pangeh nemudut anid-anid babpat burur maya' pianNeh sebuleng. Kudeng amung-amungdeh ineh mangun ku sebuleng babpat, su apehké burur ineh?