Popular Bible Verses from 1 KORINTUS 11

Share

Kudeng ineh teh kareb pangeh nekuman, idi Ieh nengalap sangkir, kebalaNeh, “Sangkir ini, ieh ineh pejani' Allah luk mebaruh luk itu ku dara'Ku. Anid-anid kareb muyuh ngirup, nganau' kudeng ineh mangun ku aceh terawé ratnan Ui.” Ngaceku tuda'-tuda' kua' muyuh kuman ruti ini idi ngirup ratnan sangkir ini, muyuh mada' até Tuhan pad Ieh macing.

Ngaceku ui nengalap ratnan Tuhan bada' luk biréku nemuyuh: ieh ineh kareb malem luk inan Tuhan Yésus pinasui, idi Ieh nengalap ruti, idi pangeh Ieh nemaré ubur, idi Ieh nemuri' ruti, kebalaNeh, “Ini bururKu luk biré ngaceku muyuh. Nganau' kudeng ini mangun ku aceh terawé ratnan Ui.”

Iamo' do' lemulun ngerawé ulunneh sebuleng, idi pangeh ineh do' ieh kuman ruti idi ngirup ratnan sangkir ineh. Ngaceku lemulun luk kuman idi ngirup dengan na ngerawé burur Tuhan, idi ieh kuman idi ngirup aceh ukum kuan bururneh sebuleng.

Ngaceku ineh idé-idé luk kuman ruti ineh, idi ngirup ratnan sangkir Tuhan ineh dengan na mayu, idi ieh mesala' kuan burur Tuhan idi dara'Neh teh.

Do' muyuh maya' ulunku, kudeng ui pana' maya' ulun Keristus