Popular Bible Verses from प्रकाश 8

Share

पठ्‌रू सातवाँ मोहर खोल्‍ल त स्‍वर्गम आधा घण्‍टासम सुनसान हुइल्।

पैल्‍ह स्‍वर्गदूत तुरही फुक्ल त रगत मिलल् पत्‍थ्रा ओ आगी पृथ्वीम बर्सल। याकर कारण पृथ्वीक एक तिहाइ भाग, जंगलक एक तिहाइ भाग ओ सब काइल घाँस जरगैल्।

तबदोस्र मै हेर्नु ओ आकाशम उर्टिरहल एकठो बराभारी गरुड असिक कहल मै सुन्‍नु, “पृथ्‍वीम बास करुइयन धिक्‍कार! धिक्‍कार! धिक्‍कार! काकरकि बाँकी रहल तीनठो स्‍वर्गदूत आपन-आपन तुरही फुकहीँ त पृथ्वीम परिअइना विपत् झन् कसिन रही?”

तबदोस्र द्वासर स्‍वर्गदूत आपन तुरही फुक्ल त आगी लागल पर्वत्‍वाअस देखपर्ना चिज समुद्रम फाँक्‍गैल् ओ समुद्रक एक तिहाइ भाग पूरा रगत होगैल्।

तबदोस्र तीसर स्‍वर्गदूत आपन तुरही फुक्ल त आकाशमसे ज्‍वाँजाअस बर्टिरहल एकठो बराभारी तोरैँया खसल। उ त एक तिहाइ लद्‍यम ओ पानीक मुहानम खसल। उ तोरैँयक नाउँ “तीत” कैगैल् ओ पानीक एक तिहाइ भागह सब तीत बनादेहल, ओ उ तीत पानी पिलक कारण धेर मनै मुल।

तबदोस्र चौथा स्‍वर्गदूत आपन तुरही फुक्ल त दिन, जोन्‍ह्‍या ओ सारा तोरैँयक एक तिहाइ भागम प्रहार हुइल् ओ हुँकन्‍हक एक तिहाइ ज्‍योति हेरागैल्। असिक दिन ओ रातक एक तिहाइ भाग अन्‍धार होगैल्।