Popular Bible Verses from प्रकाश 9

Share

यी विपत्तिमसे बाँचल मनै आपन-आपन पापी मन परिवर्तन कैक परमेश्‍वरकठे नैघुम्‍ल। हुँक्र भूतन ओ नैदेख्‍ना, नैसुन्‍ना, हलचल कर नैसेक्‍ना स्‍वान, चाँदी, काँसा, पत्‍थ्रा ओ कट्‍ठोक आपन बनाइल मूर्तिह पूजा कर नैछोर्ल। हुँक्र हत्‍या कर्ना, टुनामुना कर्ना, व्‍यभिचार कर्ना, चोरी कर्ना काममसे आपन मन परिवर्तन नैकर्ल।

उ धुवँमसे धेर सलह पृथ्वीम अइल ओ हुँकन बिच्छीकअस डस्‍ना शक्ति देगैल् रह। घाँसपात अथवा रूखविरुवह कुछु फे हानि नैकर्ना तर लिल्‍हारिम परमेश्‍वरक मोहर नैलागल मनैन केल सँतैना हुँकन कैगैल् रह।

तबदोस्र पाँचवाँ स्‍वर्गदूत आपन तुरही फुक्ल त मै आकाशमसे एकठो तोरैँया पृथ्वीम खसल देख्‍नु। उ तोरैँयह अतल कुण्‍डक साँचा देगैल्।

उ मनैन मुवाडर्ना नाहीँ तर पाँच मैन्‍हासम सताइक लाग सलह अधिकार पैल। ओसिक सताइबेर ऊ मनैन बिच्‍छी डसल अस बठाए।

अतल कुण्‍डक दूतजुन हुँकन्‍हक राजा रलहन। हिब्रू भाषम वाकर नाउँ एबाड्डोन ओ ग्रीक भाषम वाकर नाउँ अपोल्‍लियोन हो। याकर अर्थ हो, नाश कर्ना।