Popular Bible Verses from Iza 55

Share

Dɛnaa Lawa a da ǹ boo á ke: Kaa taasiɛn ba maa taasiɛn lɛa wa. Kaa sii zɛnaa ǹ gɔn laanka maa wɔ ba goon wa.

Lon laanka tán wɔlɔ bɛ́ sɔsɔɔ kɔn-a lɔn, maa sii zɛnaa ǹ gɔn laanka kaa wɔ wɔlɔ n lui-n kɔn miɛ̃, maa taasiɛn laanka kaa taasiɛn dɔn man miɛ̃.

Ka ga Dɛnaa Lawa li, bɛ̀ á tɔn lɛ koe á yii. Ka a bii wɔ, bɛ̀ á tɔn kunun ka ganaa.

Min baraan nə ǹ sii baraan kaa. Min mɛn bɛ́ baraa zɛnɛɛ, bɛa dɛnaa na a taasiɛ baraan kaa. Ǹ tumaa doamaa nɛ ǹ wusoo ǹ da Dɛnaa Lawa li. A giala, á re makara boe ǹ ganaa. Ǹ tumaa doamaa nɛ ǹ da wɔa Lawa li, a giala, a n sii baraan toɛ kooro.

«Mu boro bɛ́ kasɛn mɛnɛn tumaa ganaa, ka daa! Mu á ke! Ka daa, ta wɔrɔ ba ka lon wa! Ka màn-bii pii ka bii, kooro ne! Ka daa, ta wɔrɔ ba ka lon wa, ka duvɛ̃ laanka bɔ̀nyaa pii!

«La laanka *mu nyuù-wɔle n boe lon kiɛ tán. Ǹ ba wusii ǹ woo bɛ̀ ǹ nə́ ǹ nə ǹ nya ǹ dí nya wa: Maǹ kiɛ tán la, a basã, ǹ baa tán sonbore lɛa, màn nàn nə́ boe la doɛ̃. Bɛa yɔrɔ lɛ la, màn tɔrɔ n yii la, ka màn-bii ni. A ke, a din goon ne, boo mɛn bɛ́ soe ma lɛ-n, a ba n bɔyɛɛ a da ma li bɛ̀ a ná a sii zɛnaa wa. A n ma dùũ sii zɛnɛɛ. Ma dín mɛnɛn kɔ la, a n bɛn zɛnɛɛ.»

Ka á re soe *Baabilonii ka foo kɔɔ̃n nɛ, ǹ wusoo ǹ wo ka-n piɛ ka là nyantoro ne. Kelen laanka tentenen tá re n nyɛnyɛɛ ka ganaa zii la ka foo kɔɔ̃n nɛ. Don a dan tumaa á re n gɔn dii ka ganaa.

Ka n too da, ka da ma li. Ka n too kɔ, ka yii á re goɛ̃ koo.» Dɛnaa Lawa pɛ: «Ma á re lɛ kɔ kɔn la we ka ka nɛ yǎa duduu, man lɛ kɔ ka ǹ mɛn lɛ nɛ Davida la, maa bɔlɔgoondɛnaabaa gɔ́ɔ̃ nɛ.