Popular Bible Verses from Iza 54

Share

Ziabaa ǹ màn mɛn tumaa nə n zɛnaa n tɔ ganaa, ǹ kɔn ba re boe la a màn kɔn zɛnaa n ganaa wa. Min woo min yoo n ganaa ka kiri ni, n tá re a siɛ̃n nyɛɛ nɛ. Maa dí-nyalin gii bɛ́ ka màn mɛn nɛ má koa ǹ nɛ, ma bɛ́ peperebaa mɛn koe ǹ la, bɛ n ka kɛ nɛ. Masɛ Dɛnaa Lawa a da ǹ boo ne.

Kelen tá boe la ǹ bìn da, tentenen tá boe la ǹ nə n zɔ̃. Sɛnɛ, kɔn-narɛɛ mɛn bɛ́ ma foo ne n wɔ paǹ li, bɛa re n bɔyɛɛ duduu wa. Ma lɛ kɔ kɔn la mɛn wɔ ka n nɛ, là nyantoro a paǹ li bɛa re bìn diɛ wa. Ma din Dɛnaa Lawa n kɛ pii n ni, maa foo basiɛ̃ gɔ́ɔ̃ nɛ.

N nyan nyɛ́ɛ baa wa. Sìi á re n kuĩ doo wa. N yiri nyan nə n lɔlɔkɔn wa. Ǹ ba re sɔ koe n ganaa doo wa. Sìi mɛn goã n ganaa n tenmaa waáraa, n yiri á re boe ka bɛ nɛ. N yiri á re boe ka sɔn kɛn nɛ ǹ nə́ goã kiɛ n la bɛ̀ n bɛ́ giɔɔrɔ lɛa.

A giala, min mɛn nə n zɛnaa, a tɔ n Dɛnaa Lawa Pàãyiidɛnaa, bɛ lɛ nə n zuũ lɛa. Min mɛn bɛ́ n kanbiɛ, bɛ n ka Izirayeli a Lawa sonbore kɛ nɛ, ǹ bɛ́ ǹ mɛn lɛ bíi mà «tán tumaa a Lawa.»

N zìã lɛ bɔ, n màn da a golebaa li. N nyan ga n wɔrɔ ziziɛ̃ ganaa wa. Màn da n zìã lɛ a biɛn sasabaa li, n na a kiɛn dere tán ǹ paraa.

Masɛ Dɛnaa Lawa á re n nɛnyaanan tumaa darɛɛ. Ǹ tá re goɛ̃ yii-nyɛɛ gole gɔ́ɔ̃ nɛ.

Ma foo goã á yoo n li parasii ni. Biikoo boɛɛn gɔ́ɔ̃ nɛ, ma goã li ma yii mɛ n ganaa wa, sɛnɛ, man maa foo basiɛ̃baa nyɛɛ n nɛ kɔn-narɛɛ gɔ́ɔ̃ nɛ, dan ná a ba la wa. Masɛ Dɛnaa Lawa n bɛ pii n ni, ma din kɛ lɛ nə n si sii la wole lɛa.

Má goã má n la bɔ n ganaa biikoo boɛɛn gɔ́ɔ̃ nɛ, sɛnɛ, ka foo basiɛ̃ nɛ, man li ma wusoo ma n saa.

Man die sii zɛnɛɛ ka Nowee a waáraa bɛ́ lɔn. Má goã má lɛ-kɔ wɔ máa mu á re tán bii doo wa. A din goon ne, man lɛ kɔ we pelo, máa ma foo á re yui n li doo duduu wa, máa ma a re parɛɛ n li doo wa.

N kungɔn lalan nə die goɛ̃ kɔlɔ giɔ̀mɔ kakaa tã lɛa. N kiɛnlɛn man die goɛ̃ kɔlɔ tɛ-pɛlen lɛa ǹ nə́ la damalen ne. Kungɔn mɛn tumaa bɛ́ kiwi lɛ lɛnpɛnɛ, a yii n die n doe ka kɔlɔ giɔ̀mɔ kakaa nɛ.