Popular Bible Verses from Iza 40

Share

A n wusii a pàã kɔ pàãwɛɛnaa la. Min mɛn bɛ́ á nɔmaa, a n bɛa dɛnaa foo taɛ̃.

Tɔntɔraan dinin tá nɔmɛɛ, ǹ pàã nya. Min kakan dinin tá boe ǹ mɛnaa. Sɛnɛ, min mɛnɛn bɛ́ n foo doɛ Dɛnaa Lawa ganaa, bɛn man wusii ǹ pàã dii yɛ. Maǹ yui ka giogialatã-a bɛ́ lɔn, baa sii, ǹ ba nɔmɛɛ wa. Maǹ woe nyɛɛnɛ, ka pàã nɛ.

N ba bɛ doɛ̃ wa? N bin ma wa? Lawa mɛn bɛ́ a tan haalɛ bibi yǎa duduu, Dɛnaa Lawa, a din na á tán tumaa zɛnaa. Pàã a nyaabiɛ a ganaa duduu wa. A nɔmɛɛ wa. Dan ba a sii-doɛ̃ la wa.

Lɛ-dɛ n boe diə gole ne: Ka zii zɛnaa Dɛnaa Lawa wɔ lɛa. Bǎã gere ne, ka zii tele wɔa Dɛnaa Lawa wɔ lɛa.

Buu n laɛ, dà buu n bɛbɛnɛ. Sɛnɛ, wɔa Lawa a boo na a tan yǎa duduu.»

Ka bɛ-n kəni, Dɛnaa Lawa a siĩnbaa á re n doɛ̃. Minbuiin nɛ tumaa á re yii, ǹ dɔ̃ mà Dɛnaa Lawa boo da.

Ka tii kaa nyankɔrɔ basa kɛn nɛ, n yoo lon. Ka kelen laanka tentenen sɛlɛ, ǹ kɔnpɛ. Ka tenten mìin tumaa bɔyaa, ǹ wurun baa. Ka kelen tumaa baa nyankɔrɔ basa lɛa.

Ká tɔɔn-lɛduə̃li bɛ́ lɔn, a na a tɔɔn lɛduĩ. Bɛ̀ á n gɔn saa ǹ li, maǹ nə n lɛ soekɔn. A n sère nɛn guĩ a kolɔn. Sere daanan mɛnɛn bɛ́ nɛn nə́ ǹ kio, a n woe bɛn nɛ sɛlɛlɛ.»

Ka n yii saa lon ka ga! Die na á leeren zɛnaa? Die nə ǹ diɛ tɔ wɔ ganaa kɔn kio ka sɔraasin bɛ́ lɔn? Min mɛn bɛ́ ǹ tumaa bíi ka ǹ tɔ nɛ, ǹ dɛnaa a kakabaa laanka a pàã la yii ni. Leere kɔn ba nyaabiɛ ǹ tɔ bíi ǹ bǎã-n wa.

Dɛnaa Lawa a kii dankan nə tán a buuriibaa lalan lon. Minbuiin nɛn man ka bisin bɛ́ lɔn a yii li. Á lon lɛ bɔ ka mɔnaa bɛ́ lɔn, A ná a lɛ bɔ ka mɔnaa zìã bɛ́ lɔn, a n die giɛ̃ a nɛ.

Ka Zeruzalɛmu foo taã, ka pɛ nɛ ka lɛn gole ne, mà a bɛ̀rɛbaa ǹ dí lɛ nya, mà a siɛ̃n lɛn dɔlɔ nya. A giala Dɛnaa Lawa da a sii baraan lɛn tumaa a dɔlɔ saraa ganaa.

Min goon pɛ: «N lɛ dɛ!» Min kɔsɔ nɔ̀n da: «Man lɛ dɛ ka wàa n nɛ?» Á ma lɛ si: «Minbuiin nɛn man ka buu bɛ́ lɔn. Ǹ ba kaka ǹ nə́ la wuru gɔ́ɔ̃ nɛ ǹ buu-n wa. Bɛ̀ Dɛnaa Lawa a piɛ̃ daa, buũ n laɛ, da buu n bɛbɛnɛ. Sonbore, minbuiin nɛn man ka buũ bɛ́ lɔn.

Á ke, kaa Dɛnaa Lawa n die ka pàã gole ne. Pàã tá a lon, a giã minin mìi la. Á ke, a màn mɛn yɛ, a n die ka bɛ nɛ. A n die ka a dí a saraa nɛ.

Kaa Lawa pɛ: Ka maa zaman lɛ foo doa, hiĩ ka maa zaman lɛ foo doa.

Die bin na á yìsi mu zɔɔ̃ a gɔn tìsì bii? Die bin na á lon a golebaa zɔɔ̃ ka a gòon yii ni? Die bin na á tán a gusuũ zɔɔ̃ ka sóo ne? Die bin na á kelen gugurubaa zɔɔ̃, á tentenen gugurubaa zɔɔ̃ ka kilo ne? Die bin na á Dɛnaa Lawa Yiri a woo ǹ bǎã yɛ? Die bin na á doroo kɔ la? Dɛnaa na á n doa kɔn die ne á tɔn sii giala ma? Die na á peperebaa ǹ zii nyaa nɛ? Die na á doɛ̃ kɔ la? Die na á yiridɛnaabaa ǹ zii nyaa nɛ?