Popular Bible Verses from Vẽnegre 2

Share

La yell ning mam sẽn tar ne yãmba, yaa tɩ yãmb basa y pipi nonglmã.

Dẽ wã, bɩ y tẽeg zĩig ning yãmb sẽn lʋɩ wã. Tek-y yam n kos sugri, la y leb n tʋm y pipi tʋʋmã. Sã n ka rẽ, mam na n waa yãmb nengẽ, la m na n yiisa yãmb fɩtl-doagendgã a zĩigẽ, sã n ka tɩ yãmb teka yam n kos sugri.

Da maan-y rabeem ne namsg ning y sẽn na n namsã ye. Gese, Sʋtãanã na n kẽesa yãmb neb kẽer bi-bees roogo, sẽn na n yɩl n mak yãmba, la yãmb na n paama namsg rasem piiga. Kell‑y n maan-y neer hal tɩ ta kũum, la mam na kõ yãmb vɩɩm maanfo.»

Bɩ ned ning sẽn tar-a tʋb kelg bũmb ning Sɩɩg-sõng sẽn yet wẽnd-dotã: Mam na n kõo tõaagd fãa noor t'a rɩ vɩɩm tɩɩgã sẽn be Wẽnnaam Paraadi pʋgẽ wã biisi.

«Mam mii tʋʋm nins y sẽn maanã, la y sẽn tʋmd to-to, la m mii y modgrã. Mam miime tɩ yãmb ka tõe n sak tɩ nin-wẽns zĩnd ne-y ye. Yãmb maka neb nins sẽn yet tɩ b yaa tẽn-tʋmdb n yaool n ka tẽn-tʋmdbã n gese, la yãmb mikame tɩ b yaa zĩrẽ yagdba.

Yãmb nangda pãnga, yãmb namsa mam yʋʋrã yĩnga, la yãmb ka boog y raood ye.

Bɩ sẽn tar-a tʋb kelg bũmb nins Sɩɩg-sõng sẽn yet wẽnd-dotã. Mam na n kõo ned ning sẽn na n tõogã man sẽn solge, la kug-pɛɛlga. Kugrã zugu, yʋ-paalg n gʋls be ned baa a yembr sẽn ka mi, sã n ka ned ning sẽn deegd-a kugrã.