Popular Bible Verses from Vẽnegre 3

Share

Ade, mam yasa rignoorẽ n kabsdẽ. Ned sã n wʋm mam koɛɛgã n pak kʋɩlengã, mam na n kẽe yẽnda roogẽ n dɩ ne yẽnda la yẽnda na n dɩɩ ne maam.

«Mam bãnga yãmb tʋʋmã. Yãmb ka maasga la y ka tʋʋlg me ye. Mam nongẽ‑la yãmb sẽn dag n na n yaẽ tʋʋlga, wall maasga. Woto, yãmb sẽn yaa zalzal n ka maasg la y ka tʋʋlgã yĩnga, mam na n wʋka yãmb m noorẽ.

Mam lengda neb nins fãa mam sẽn nonge, la m sɩbgd-ba. Dẽ wã, bɩ y nang pãng la y tek yam n kos sugri.

«Mam bãnga yãmb tʋʋmã. Gese, mam ninga kʋɩleng sẽn pak yãmb taoor tɩ ned ka tõe n pag-a ye, tɩ bala yãmb pãngã paoodame, la yãmb talla mam koɛɛgã, la y ka kɩɩs mam yʋʋrã ye.

Mam na n kɩtame tɩ ned ning sẽn tõogã zĩnd ne maam mam geerã zug wa mam sẽn tõoge, n zao ne m ba b geerã zugã.»

Yãmb yetame: «Tõnd yaa arzegs rãmba, tõnd paama arzegse la tõnd ka leb n baood baa fʋɩ», n yaool n ka mi tɩ y yaa nimbãan-dãmba, n be namsg pʋgẽ, la y ya naong rãmba, zoense, la bɛɛl ye

Yãmb sẽn tall mam koɛɛg ning sẽn kɩt tɩ yãmb nangd pãng mam pʋgẽ wã yĩnga, mam me na n kogla yãmb wakat ning makrã sẽn na n wa dũniyã tɛk fãa n mak nebã sẽn be a zugã.

Mam wata tao-tao. Gãd-y bũmb nins yãmb sẽn tarã kãenkãe, tɩ ned da reeg yãmb maanfã ye.

Maan gũusgu, la f kɩt tɩ sẽn be fo pʋgẽ n nan ka ki wã leb n yẽege. Bala, mam mikame tɩ yãmb tʋʋmã ka zems mam Wẽnnaamã taoor ye.