Popular Bible Verses from Vẽnegre 14

Share

Mam wʋma koɛɛg sẽn yi arzãn n yetẽ: Gʋlse: sẽn sɩng ne moasã, bark bee kũum nins sẽn kiid Zu-soabã tũudum pʋgẽ wã zutu. Sɩɩg-sõng yetame tɩ n-yẽe, tɩ b tõe n bas b tʋʋmã n vʋʋse, bala bãmb tʋʋmã pʋgd-b lame.

Woto yĩnga, nin-sõamyã tog n nanga pãnga, n sakd Wẽnnaam tõodã la b tall tẽeb ne a Zeezi.

Yẽnda zẽka a koɛɛg n yetẽ yaa: Zoe-y Wẽnnaam dabeem la y waoog bãmba. Bala wakat taame tɩ bãmb na n kao bʋʋdo. Wõgemd-y soab ning sẽn naan-a yĩngr la tẽngã, ko-kãseng ne ko-bundsã taoore.

Malɛɛk a to sẽn yaa tãab-n-soab pʋgla bãmb ne koe-kãseng n yeele: Ned sã n wõgemd rũngã ne a bõn-naandgã taoore, la a sã n deeg bãndã a dĩirẽ wall a nug zugu, yẽnda soab me na n yũu Wẽnnaam sũ-puugrã reezẽ rãam sẽn ka pulã, sẽn kiig bãmb sũ-puugr laagẽ wã. La yẽnda na n paama namsg bugmẽ la kidbr pʋga, malegs-sõamyã wã ne pe-bilã taoore. Bãmb namsgã bug-zõos zẽkda zamaan woo zamaane. La wĩndg ne yʋngo, neb nins sẽn wõgemded rũngã ne a bõn-naandgã taoorã, la ned ning sẽn deeg-a yẽnda yʋʋrã bãndã ka tol n tar vʋʋsem ye.

Mam gesame, la m yãnda pe-bilã sẽn yik n yas Sɩyõ tãngã zugu, tɩ neb tus koabg la tus pis-naas la a naas sẽn da tar pe-bilã yʋʋr ne b ba wã yʋʋr sẽn gʋls b rĩyẽ wã be ne bãmba.

Mam yãnda malɛɛk a to sẽn yɩgd n pɩʋʋgd yĩngri: A rag n tara koe-noog sẽn paad wakat sẽn kõn sa, n na n togs neb nins sẽn be tẽng zugã, soolem fãa, buud fãa, goam buud fãa nebã, la tẽng fãa nebã.

Malɛɛk a to sẽn yaa yiib-n-soab pʋglame n yetẽ yaa: A lʋɩɩme! A lʋɩɩme! Babilond kãsengã sẽn kɩt tɩ soolem dãmbã fãa yũ yẽnda yoobã sẽn ka koakã reezẽ rãamã lʋɩɩme.