Popular Bible Verses from Tõodo 7

Share

Bɩ y bãng tɩ Sẽn-Ka-Saab sẽn yaa yãmb Wẽnnaamã n yaa Wẽnnaam menga. Bãmb yaa sɩd Wẽnnaam. Bãmb pidsda b kaoolã, n nong neb nins sẽn nong bãmb la b sakd bãmb tõodã hal tɩ ta zamaan tusri.

Bala, yãmb yaa buud sẽn welg toor Sẽn-Ka-Saab sẽn yaa yãmb Wẽnnaamã yĩnga. Sẽn-Ka-Saab sẽn yaa yãmb Wẽnnaamã yãka yãmb buud nins sẽn be tẽngã zugã sʋk tɩ y yɩ bãmb nebã.

Yaa Sẽn-Ka-Saab sẽn nong yãmbã yĩnga, la yaa bãmb sẽn dag n dat n pids b pʋlengã ne y yaab-rãmbã yĩng la Sẽn-Ka-Saab sẽn yiis yãmb yembdã pʋgẽ ne nug sẽn tar pãngã, n fãag yãmb Faarõ sẽn yaa Ezɩpt rĩmã nugẽ wã.

Ka yãmb sẽn yaa wʋsg n yɩɩd buud a taabã fãa wã yĩng la Sẽn-Ka-Saab sẽn nong yãmb n yãk yãmbã ye. Sɩda, yãmb yaa bilf n yɩɩd buud a taabã fãa.

Yãmb na n paama bark n yɩɩd buud a taabã fãa. B ka na n yãnd rao bɩ pag yãmb sʋk t'a yaa kiiri, wall rũms sẽn yaa kiir y rũmsã sʋk me ye.