Popular Bible Verses from Tõodo 6

Share

Bɩ y nong Sẽn-Ka-Saab sẽn yaa yãmb Wẽnnaamã ne y sũur fãa, la ne y yalẽ fãa la ne y pãngã fãa.

Yãmb na n dɩk-a lame n zãms y kambã. Yãmb sã n zĩ y zakẽ, bɩ y gomd a yelle, la y sã n kẽnd sor zug me, bɩ y gomd a yelle. Gom-y-yã-a yell y gãandg la y yikr wakate.

Gom-kãensã mam sẽn gomd ne yãmb rũndã wã na n paa yãmb sũyã pʋse.

Israyɛll nebã, kelg-y-yã, Sẽn-Ka-Saab yaa tõnd Wẽnnaam, Sẽn-Ka-Saab yaa b yembr bal tãa.

Yãmb na n loee bãmb y nugẽ, tɩ b yɩ wa bãnde, la y teeg-a y rĩirẽ, y ninã sʋka.

Gʋls-y bãmb y lugã zutu, la y tẽngã kʋɩlems zutu.

Zoe-y Sẽn-Ka-Saab sẽn yaa yãmb Wẽnnaamã n sak bãmb bala, la y wẽen ne bãmb yʋʋre.

Sẽn-Ka-Saab sẽn yaa yãmb Wẽnnaamã sã n wa kɩt tɩ yãmb kẽ tẽng ning bãmb sẽn dag n wẽen n yeel y yaab-rãmbã, a Abrahaam ne a Izaak la a Zakoob tɩ b na n kõo yãmbã, tẽng ning sẽn tar tẽn-bɛd sẽn yaa tẽn-neeb yãmb sẽn ka me wã pʋgẽ, la rot sẽn pid ne bõn-sõama buud toor-toor yãmb sẽn ka bĩngi, la buls yãmb sẽn ka tu, la reezẽ ne oliiv tɩɩs yãmb sẽn ka sele, yãmb sã n wa rɩ n tɩge, bɩ y gũus y mens n da wa yĩm Sẽn-Ka-Saab sẽn yiis yãmb Ezɩpt tẽngã y sẽn wa n be yembd pʋgẽ wã yell ye.

Ad tõodã la no-tũudsã la ne noy nins Sẽn-Ka-Saab sẽn yaa yãmb Wẽnnaamã sẽn yeel maam tɩ m zãms yãmb tɩ y sak bãmb tẽng ning yãmb sẽn na n tɩ kẽ n soogã pʋgẽ. Yaa sẽn na n yɩlẽ tɩ yãmb vɩɩmã tɛka, bɩ yãmb ne y kambã la y yagensã zoe Sẽn-Ka-Saab sẽn yaa yãmb Wẽnnaamã n sak bãmb no-tũudsã la b tõodã fãa mam sẽn vigl yãmb yĩngã, tɩ y tõe n paam yõ-woko.

Maan-y sẽn zemse, la sẽn noom Sẽn-Ka-Saabo, tɩ y vɩɩm yɩ noogo, la y tõog n kẽ tẽn-noog ning Sẽn-Ka-Saab sẽn dag n kãab y yaab-rãmbã tɩ b soogã.

Bala, Sẽn-Ka-Saab sẽn yaa yãmb Wẽnnaamã sẽn be yãmb sʋkã ka rat tɩ b rɩk b waoogrã n kõ ned a to ye. Bãmb sũurã na n puuga ne yãmb tɩ b kɩt tɩ y menem tẽngã zugu.

Ra tũ-y wẽnnaam-dãmb a taab sẽn be buud a taabã sẽn gũbg yãmbã wẽnnaam-dãmbã sʋk ye.

Ra mak-y Sẽn-Ka-Saab sẽn yaa yãmb Wẽnnaamã, wa y sẽn dag n maan Masa wã ye.