Popular Bible Verses from Tõodo 5

Share

Waoog f ba la f ma, wa Sẽn-Ka-Saab sẽn yaa fo Wẽnnaamã sẽn yeel foomã, n tõog n paam yõ-wok la sũ-noog tẽng ning Sẽn-Ka-Saab sẽn yaa fo Wẽnnaamã sẽn kõ foomã pʋgẽ.

Bũmb fãa pʋgẽ, tũ-y sor ning Sẽn-Ka-Saab sẽn yaa yãmb Wẽnnaamã sẽn wilg yãmbã bala, tɩ yãmb tõe n vɩɩmde, la y paam sũ-noogo, ne yõ-wok tẽng ning yãmb sẽn na n tɩ reeg n soogã pʋgẽ.

Ra wõgemd bõn-kãens taoor n waoog-b ye. Bala, maam a Sẽn-Ka-Saab sẽn yaa fo Wẽnnaamã yaa Wẽnnaam sẽn yaa sũ-kiir soaba, la m kɩtdame tɩ ba-rãmbã sẽn kis maamã kongr sɩbgr lʋɩ bãmb kambã zutu, n tãag zamaan a tãabo, ne zamaan a naase. La mam maanda neb nins sẽn nong maam n sakd mam tõodã yagensã neere, hal tɩ ta zamaan tusri.

Ra maan bõn-naandg ba a yembre, sẽn yaa bũmb sẽn be saasẽ wẽnego, wall sẽn be tẽngã zugu, wall sẽn be koom pʋsẽ dũniyã tẽngr ye.

Ra bao wẽnnaam-dãmb a taab ye, sã n ka maam bala.

Ra pʋd Sẽn-Ka-Saab sẽn yaa fo Wẽnnaamã yʋʋr zaalem ye. Bala, ned sã n pʋd Sẽn-Ka-Saab yʋʋrã zaalem, b ka na n bas-a soab taal ye.

Mam dag n nongẽ lame tɩ bãmb yam yɩ woto wakat fãa tɩ b zoe maam n sak mam tõodã fãa, tɩ bãmb ne b kambã paam sũ-noog daar fãa.

Sak-y vʋʋsg daarã tõogo, n kɩt t'a yɩ daar sẽn welg toor wa sẽn zems Sẽn-Ka-Saab sẽn yaa yãmb Wẽnnaamã sẽn yeel yãmbã.

Ra maan sũ-kiir ne f to pag ye. Ra tʋlg f to zaka, wall a pʋʋgo, bɩ a yem-daoogo, wall a yem-poaka, bɩ a loalga, wall a bõanga, bɩ bũmb ning fãa sẽn yaa fo to rẽnd ye.»

Da yo ye.

Da kɩs kaset sẽn yaa zirẽ n dõd f to ye.

Da kʋ ned ye.

Ra zu ye.

Tẽeg-y tɩ yãmb me rag n yaa yembs Ezɩpt tẽnga. La Sẽn-Ka-Saab sẽn yaa yãmb Wẽnnaamã zẽka b nug sẽn tar pãngã n yiis yãmb beenẽ. Yaa rẽ n kɩt tɩ Sẽn-Ka-Saab sẽn yaa yãmb Wẽnnaamã yetẽ tɩ yãmb maan vʋʋsg daare.

Rɩk-y rasem a yoobã n tʋm y tʋʋmã fãa, la y maan y sẽn dat n maanã. La rasem a yopoe wã daare, yaa vʋʋsg daar Sẽn-Ka-Saab sẽn yaa yãmb Wẽnnaamã waoogr yĩnga. Bɩ yãmb ne y kom-dibli wã, la y kom-pugli wã, ne y yem-daadã la y yem-pogsã, ne y loalga, la y bõanga, la sẽn yaa yãmb rũng fãa, la sãamb nins sẽn be yãmb tẽmsã pʋgẽ wã bas b tʋʋmã fãa, tɩ yãmb yem-daadã ne y yem-pogsã paam n vʋʋs wa yãmba.

«Mam yaa Sẽn-Ka-Saabo, n yaa fo Wẽnnaam, la yaa maam n yiis foom Ezɩpt soolem yembdã pʋga.