Popular Bible Verses from Tõodo 4

Share

La yãmb sã n zĩnd be n bao Sẽn-Ka-Saab sẽn yaa Wẽnnaamã ne y sũyã fãa, la ne y yamã fãa, y na n yãnd-b lame.

Bala, Sẽn-Ka-Saab sẽn yaa yãmb Wẽnnaamã yaa nimbãan-zoeer soaba, la bãmb ka na n bas yãmba, la b kõn yĩm kãabg ning bãmb sẽn dag n kãab yãmb yaab-rãmbã yell ye.»

Bala, Sẽn-Ka-Saab sẽn yaa yãmb Wẽnnaamã yaa bugum sẽn dɩte. Bãmb yaa Wẽnnaam sẽn yaa sũ-kiir soaba.

Bũmb sẽn be bala, gũus-y y mens neer y yõor tɛk n da wa bas bũmb nins yãmb ninã sẽn yãndã n yĩm b yell ye. Rɩk bãmb n zãms y kambã ne y yagensã n wilg bãmb tɩ

Dẽ, yãmb na n tagsame, la y bãng rũndã, tɩ saasã sẽn be yĩngrã pʋga, la dũniyã sẽn be tẽngrã pʋga, Sẽn-Ka-Saab n yaa Wẽnnaam, la b ka tar to ye.

Sɩd me, bu-kãsen-bʋg n be n tar wẽnnaam-dãmb sẽn pẽ ne-a wa Sẽn-Ka-Saab sẽn yaa tõnd Wẽnnaamã sẽn pẽ ne tõnd daar fãa d sẽn wat n boond bãmbã?

Y yel-pakrã pʋga, yel-kãensã fãa sã n wa paam yãmba, yãmb na n lebg n waa Sẽn-Ka-Saab sẽn yaa yãmb Wẽnnaamã nengẽ, la yãmb na n kelga bãmb koɛɛgã.

Ra-y paas-y bũmb goam nins mam sẽn kõ yãmbã pʋga, la y ra boog bũmb me a pʋgẽ ye. Sak-y Sẽn-Ka-Saab sẽn yaa yãmb Wẽnnaamã tõod nins mam sẽn kõ yãmbã.