Popular Bible Verses from Tõodo 1

Share

Bala, Sẽn-Ka-Saab sẽn yaa yãmb Wẽnnaamã sẽn lʋɩ yãmb taoor n kẽndã na n zab n kõo yãmb wa b sẽn dag n maan Ezɩpt to-to yãmb fãa nifẽ wã. Weoogã pʋga, yãmb yãnda Sẽn-Ka-Saab sẽn yaa yãmb Wẽnnaamã sẽn buk yãmb wa ned sẽn buk a biiga, kẽndã fãa pʋgẽ hal tɩ yãmb wa tãag zĩ-kãngã wã.

Bɩ Sẽn-Ka-Saab sẽn yaa yãmb yaab-rãmbã Wẽnnaamã kɩt tɩ yãmb yɩ wʋsg naoor tusr n yɩɩd y sẽn yaa bũmb ning rũndã wã, la b ning-y bark wa bãmb sẽn dag n yeel yãmbã.

«Sẽn-Ka-Saab sẽn yaa tõnd Wẽnnaamã goma ne tõnd Horɛɛb tãngã zug n yeele: Yãmb kaoosa tãn-kãngã sɛɛgẽ wʋsgo.

Gese, mam kõo yãmb tẽngã. Kẽng-y n tɩ soog-y tẽng ning Sẽn-Ka-Saab sẽn dag n wẽen ne y yaab-rãmb a Abrahaam ne a Izaak la a Zakoob tɩ m na n kõo bãmb ne b yagensã.»

Yãmb sã n na n bʋ bʋʋdã, bɩ y ra maan welgr nebã ne taab sʋk ye. Kelg-y nin-talsã ne nin-bɛdã. Ra-y zoe-y ned ba a yembr nif ye. Bala, yaa Wẽnnaam n so bʋʋdo. La yellã sã n yaa toog ne yãmb tɩ y ka tõe n bʋ a bʋʋdo, bɩ y tall-a n wa mam nengẽ tɩ m kelg-a.»