Popular Bible Verses from Koloos‑rãmba 2

Share

Woto yĩnga, yãmb sẽn deeg Zu-soab a Zeezi Kirisã, kẽn-y ne bãmba. Kɩ-y yẽga, n yals kãenkãe Kiris pʋga, n tall tẽeb kãenkãe wa sẽn zems zãmsg nins b sẽn dag n zãms yãmbã, la y pʋʋs bark wʋsgo.

Gũus-y tɩ ned da belg yãmb ne zãmsg buudu, la ninsaalb minind n zãag ye, bõn-kãens yaa dũniyã yɛla, la a ka Kiris rẽnd ye.

Pĩnda, yãmb sẽn dag n yaa bɛɛgdb y kongrã ne y sẽn ka kẽ bãong y yĩngã pʋgẽ wã yĩngã, Wẽnnaam kõo yãmb vɩɩm ne Kiris n kõ tõnd beegrã fãa sugri. Bãmb yẽesa tõod nins b sẽn da gʋls n kaood tõnd bʋʋdã la sẽn da mongd tõnd bʋʋma Wẽnnaam menesa tõ-kãng wakat ning b sẽn ka a Zeezi da-pɩkã zugã.

Bala, Wẽnnaam sẽn yaa bũmb ningã fãa, Kiris me yaa a woto b yĩngã pʋgẽ. La yãmb tara bũmb fãa bãmb pʋg tɩ seke, bãmb sẽn yaa nanambs fãa Naaba la noyã fãa Zu-soabã.

Dẽ wã yĩnga, da sak-y tɩ ned kao yãmb bʋʋd ne yãmb sẽn dɩt bũmb ning wɛɛngẽ wall y sẽn yũud bũmb ninga, wall tigrã wall kiu-paalga wall vʋʋsg daar wɛɛngẽ ye. Bõn-kãens fãa yaa bũmb nins sẽn na n wa wã mamsg bala, la bũmba meng-meng yaa Kirisi.