Popular Bible Verses from 2 Korẽnt‑rãmbã sebre 5

Share

Ned sã n tũud Kirisi, yẽnda soab yaa nin-paalga. Bõn-kʋdã fãa loogame, bũmbã fãa lebga paalse.

Wẽnnaam kɩtame tɩ Kiris sẽn ka maan yel-wẽnã lebg yel-wẽn tõnd yĩnga, tɩ tõnd tõe n lebg nin-tɩrs Kiris pʋg Wẽnnaam taoore.

Bala, tõnd kẽnda ne tẽebo, la d ka yã n yaool n tẽed ye.

La yõwã fãa yita Wẽnnaam nengẽ. Kiris maasem yĩnga, Wẽnnaam yiisa yell ning sẽn da be tõnd ne bãmb sʋkã, n kõ tõnd zabr paasg tʋʋmde. Bala, yaa ne Kiris la Wẽnnaam yiis yell ning sẽn da be bãmb ne dũniyã sʋka, n ka leb n geelgd ninsaalbã beegrã ye. La b ninga zabr paasg koɛɛg togsg tõnd zutu.

Dẽ, tõnd yaa Kiris tʋmtʋmdba, tɩ tõnd sẽn gomd ne yãmbã, yaa Wẽnnaam n tall tõnd n gomd ne yãmba: Tõnd kota yãmb ne Kiris yʋʋr tɩ y leb n paam lagem-n-taar ne Wẽnnaam!

A Zeezi kii nebã fãa yĩnga, tɩ sẽn vɩ-bã kõn leb n vɩ b mens yĩng ye, la b na n vɩɩ sẽn ki-a bãmb yĩng n vʋʋg n bas kũumã yĩnga. Woto, sẽn sɩng ne moasã, tõnd ka leb n get ned wa sẽn zems ninsaal tagsg ye, la baa tõnd sã n dag n gesa Kiris wa sẽn zems ninsaal tagsgo, moasã, tõnd ka leb n get bãmb wa sẽn zems ninsaal tagsg yɛs ye.

Bala, Kiris nonglmã n so tõndo. Tõnd sẽn bãng vẽeneg n welg tɩ nin-yend n ki nebã fãa yĩnga, dẽ nebã fãa n ki.