Popular Bible Verses from 2 Korẽnt‑rãmbã sebre 4

Share

Sẽn paase, tõnd sẽn getã, ka bũmb nins nin sẽn ne wã ye, tõnd geta bũmb nins nin sẽn ka tõe n yãndã wã. Bala, bũmb nins nin sẽn ne wã loogdame, la bũmb nins nin sẽn ka ne wã paada wakat sẽn kõn sa.

Yaa woto yĩng n kɩt tɩ tõnd ka boogd d daood ye. La baa tõnd yĩngã sã n sãame, tõnd sɩɩgã lebgda paalg daar fãa. Bala, tõnd sẽn na n paam namsg bilf wakat bilf pʋgẽ wã kɩtdame tɩ tõnd na n paam ziir kãseng sẽn kõn sa n yɩɩda.

Tõnd paamda namsg buud toor-toore, la b ka kʋʋd tõnd ye. Tõnd dag n ka mi d sẽn na n maaneg ye, la tõnd ka boogd raood ye. Neb namsda tõndo, la Wẽnnaam sõngda tõndo. B pãbda tõnd n lubdẽ, la d ka kiid ye.

Tõnd zãada paoon-kãngã d yĩnsã sẽn yaa wa yagd laasã pʋse. Tɩ pãn-kãsen‑kãngã na yɩ Wẽnnaam dẽnda, la kõn yɩ tõnd dẽnd ye.

Yaa neb nins sẽn ka tẽed-bã. Dũni‑kãngã na-wẽngã sẽn yaa a sʋtãan sẽn lud b yamã tɩ b ka tõe n yãnd Kiris sẽn yaa Wẽnnaam mengã wẽnegã koe-noogã ziirã yĩnga.

Bala, Wẽnnaam sẽn yeel tɩ vẽenem na n yãga lik pʋgẽ wã, yaa Wẽnnaam n kɩt tɩ vẽenemã yãg tõnd sũyã pʋse, tɩ tõnd yãnd Wẽnnaam ziirã sẽn pɩnd Kiris nengã zugu.