Popular Bible Verses from 1 Zã 2

Share

Da nong-y dũni wã, wall bũmb ning sẽn be a pʋgẽ wã ye. Ned sã n nong dũni wã, d ba wã nonglem ka be a soab pʋgẽ ye. Bala, bũmb nins fãa sẽn be dũniyã pʋgã, sã n ya yĩng ratem wẽngã, la ninã sẽn get bũmb nins n datã, la wilg-m-meng arzegs sẽn wat ne wã ka yit Wẽnnaam nengẽ ye, a yita dũni nengẽ.

Dũni loogdame la a ratem wẽngã me loogdame. La ned ning sẽn maand Wẽnnaam daab paada wakat sẽn kõn sa.

Sẽn yet-a tɩ yẽnda paada Wẽnnaam pʋgẽ, tog n kẽnda wa a Zu-soabã sẽn dag n kẽndã.

Mam kom-bãoonego, m gʋlsda yãmb bõn-kãngã sẽn na yɩl tɩ y ra maan yel-wẽn ye. La ned sã n maan yel-wẽnã, tõnd tara sɛ-yõakd sẽn be d ba wã nengẽ: Yaa tɩrlem soab a Zeezi Kirisi.

Ned ning sẽn yet t'a mii Wẽnnaam la a yaool n ka sakd b tõodã, yẽnda soab yaa zĩrẽ yagda, la sɩd ka be yẽ pʋgẽ ye.

Tõnd sã n sak Wẽnnaam tõodã, dẽ tõnd miime tɩ d bãnga bãmba.

Ned ning sẽn yet t'a bee vẽenemẽ n yaool n kis a ba-biiga, a ket n bee lik bida pʋgẽ.

Ãnda la zĩrẽ yagdã, sã n ka ned ning sẽn kɩɩsd t'a Zeezi ka Kirisã? Ned ning sẽn yet t'a ka mi d ba wã ne b bi-riblã yaa Kiris kɩɩsda.

Ned ning fãa sẽn yet t'a ka mi bi-riblã ka tar ba wã me ye, la ned ning sẽn yet t'a mii biigã, a tara ba wã me.