Popular Bible Verses from Mi Doagidima 19

Share

Tin mangi ti pala ki yaa pia li pamancianli, Ki kpiagi o, kelima ki Pebiga puotaali yogunu pundi, O puocaano bogini ki bobi.

O yeli yaali n tie ne, diani ki taabi o kpalibu leni o panli kuli po: “Bi badiba Bado Leni bi diediba Diedo.”

Lani n den laa ke tanpoli luodi ki yaa, ke o tanpieno se. Yua n jagi o, yi o Dugika leni o Moamoandaano. O bujiali tiegi, o togidi bu toabu mo leni mi teginma.

O nuni tie nani mi fantanlanma yeni, o ciibi mu badifogilimu boncianla. O yeli diani ki taabi o, oba kuli n ki bani yaa yeli, kali wani o ba. O yie mi soama n yadi yadi yaa tiayiekaagu po. O yeli tie U Tienu Maama.

Yaa jugisiega n mani, den ña o ñoabu nni, wan baa pua i nibuoli leni yaaga. O muubi ti kudi badigbiamu ki baa gobidi ki yaa kpaa ba. O baa ŋmaa duven ŋanbikaanu nni, yuu n tie U Tienu U Paaciamu Kuli Daano pabiencianli nni.

O den cuo ki fuayanga, wani leni o saawalipua-faadaano, yua n den tiendi mi bancianma o nintuali, ki boandi yaaba n gaa ki fuayanga maalima, ki go gbaani ki kpiagi o nannanli. O den luni bani bonbilie kuli ku fantanbuogu nni ke bi fo, li cidibili n co naani.