Popular Bible Verses from Mi Doagidima 14

Share

N den gbadi ke u nialu maadi tanpoli ki yedi: «Diani yaa maama n tie ne: ‹Li pamanli ye leni yaaba n kpe leni li dandanli o Diedo nni.› » U Tienu Fuoma Yua den guani ki yedi: «Yeni de! Bi baa fuodi leni bi tuonfala, kelima bi tuonŋama ŋua ba.»

Lani yaa po yo, ke li pundi bi nigagidiŋanba n yaa pia li juunli, bani yaaba n tuo ki ŋua U Tienu mabilikaama, ki kubi li dandanli Jesu po.

O den kpaani leni u nialu, ki tua: «Yin fangi mani U Tienu ki kpiagi o, kelima o bujiali yogunu pundi. Yin gbaani ki kpiagi wani yua n den tagi tanpoli, ki tinga, mi ñincianma leni a ñinbuna kuli.»

Malekitoa, o bontaalo den ŋoadi ba ki kpaani: «Yaa nilo n gbaani ki kpiagi ki fuayanga leni o nannanli, ki gaa o maalima o yutunli yaa ka o jienu po, omoko baa ño yaa duven n tie U Tienu pabienli cuonu. Laa duven ki laa leni liba, ama bi kuodi o U Tienu pabienli cuonu tadiñokaaga nni. O baa yaa laadi fala u mu leni li cidibili nni, bi maleki gagidiŋanba nintuali leni ki Pebiga nintuali. Bi funfunma muñii baa yaa do hali yaa yogunu kuli. Bi kan baa fuodima u yensiinu leni ku ñiagu kuli, bani yaaba n gbaani ki kpiagi ki fuayanga leni o nannanli, ki go gaa o yeli maalima yeni.»

N den diidi ki laa ke ki Pebiga se yaa juali n yi Siyon po, ke kobiga n piinaa n niba tudanaa (144 000) se leni o. Bi den tie yaaba n den pia ki Pebiga yeli leni o Baa yeli bi yutuna po.

N go den laa malekitoa ke o yugi tanpoli mi fawaama nni. O den kubi yaa laabaaliŋamo n ye hali yaa yogunu kuli, ki baa yaa wangi ki tinga yaaba kuli, mi diema, i mabuoli leni i nibuoli yaaba kuli.

Malekitoa, o bonlielo den ŋoadi o ki yedi: «U baa, u dociamu Babilonni baa, wuni, yaa dogu n den teni ke i nibuoli kuli ñuni yaa duven n tie u conconbiadima ki gaadi!»