Popular Bible Verses from Mi Doagidima 13

Share

Line bua mi yanfuoma. Yua n pia mi yanfuoma kuli n coadi ki bandi ki fuayanga yeli coali, kelima li tie o nisaalo coali. Laa coali tie kobiluoba n piiluoba n bi luoba.

Ki tinga nni yaaba kuli baa gbaani ki kpiagi ki fuayanga, bani yaaba yaa yela n kaa diani ki pebiga miali tili nni, lani n tie ban den kodi yaaga hali ke ŋanduna daa tagi.

O den bili ke bi niba kuli, taliginba leni bi paatieba, a piada leni a luoda, yaaba n die bi yula leni i yonbi kuli n baa mi maalima bi nujienu yaa ka bi yutuna po. Oba kuli kan fidi ki daa liba, yaa ka ki kuadi liba kuli, kali wan yaa pia mi maalima yeni, yaa ka ki fuayankpiaga yeli, yaa ka ki yeli coali.

Lan bili yua yaa po Ke bi baa gedini o ti yonbidi kuli, O baa gedi ti yonbidi. Yua n kpa nitoa leni ki jugisiega, Bi baa kpa omo leni ki jugisiega. Lani yaa po yo, ke li pundi bi nigagidiŋanba n yaa pia li juunli, ki se leni dandanli .

Lani n den laa ki fuayanga ke o ña mi ñincianma nni. O den pia yina piiga leni yula lele. O yinpiiga yeni siiga yinli kuli den ciibi ki badifogiliga. Yaa yela n tie sugidi U Tienu po den taabi o yula po.

O go den baa li bali ki baa tuogi leni U Tienu nigagidiŋanba bu toabu, ki paadi ba. O den baa u paalu ki diedi i nibuoli, i mabuoli leni mi diema kuli.

O den boandi ki tinga yaaba leni wan den tiendi yaa bancianma, ki fuayankpiaga nintuali. O den teni ke ki tinga yaaba n tagi ki fuayankpiaga, yua n den baa ki jugisiega poagilima ki go paagi yeni, nannanli. O go den baa u paalu ki teni ke ki fuayankpiaga nannanli fo, ki fidi ki maadi, ki teni ban kpa yaaba n kaa tuo ki gbaani ki kpiagi ki fuayankpiaga nannanli kuli.

Min den laa yaa fuayanga yeni den tie nani ki gbiiga, ama ki taana den tie nani yaa fuayan-biadicianga n yi ursi yeni, ki ñoabu mo den tie nani o yangbanlo yaabu. O bonfuodibiado den teni ki fuayanga yeni o paalu, ki kaani o o yaa bali kalikaanu, ki dini o o bacianli.

Ki fuayanga den baa yaa ñoabu n maadi mi japaamaama leni ti sugidi U Tienu po, ki tiendi o biadima hali piinaa n ŋmaalilie.

N den laa ke ki fuayanga yeni yula siiga nni, yuyenli den baa mi poagilima yaama n baa fidi ki kpa o, ama mi poagilima yeni den paagi. Li den paki ki tinga yaaba kuli, ke bi ŋoadi o.

Lani n den laa fuayantoaga ke o ña ki tinga nni. O den pia yinalie ya n naani leni ki pebiga ya, ki maadi nani o bonfuodibiado n maadi maama. O den pia ki fuayankpiaga yaa bali kuli, ki tuuni o nintuali, ki teni ke ki tinga leni yaaba n ye lienni kuli n gbaani ki kpiagi ki fuayankpiaga, wani yua n den baa yaa poagilima n baa fidi ki kpa o, ki nan paagi yeni.