Popular Bible Verses from Filipi 3

Share

N kpiiba, mii nua ke n cuo laa panpaani no ka. Ama n tiendi bonyenla: N sundi yaala n ye n puoli, ki moandi ki suagi liiga. Yeni, n tiini ki cuubi n nuama juodima, ki baa baa laa panpaani. Lani n tie U Tienu n yini nni, min baa yaa panpaani tanpoli po Jesu Kilisiti nni.

Min bua yaala tie min bandi wani Kilisiti leni o fiima bi tinkpiba siiga paalu. Min go bua yaala tie, ki taani leni o o fala nni, ki yaa naani leni o o kuuma nni. Yeni, lan tie maama kuli, mini moko n baa ki pundi bi tinkpiba guafiima.

N go nua li bonla kuli, ke li tie nani li bonbodikaala yeni. Yaala n tie n po li bonmoanla tie: Ki bandi Jesu Kilisiti n Diedo. Wani yaa po yo, ke n tuo ki luni min pia yaala kuli, ki nua la nani ti baadi yeni, ke min fidi ki baa Kilisiti.

Ama min den nua yaala ke li tie n po bonmoanla yeni kuli, n ji nua likuli ke li tie bonfanla, kelima Kilisiti yaa po.