Popular Bible Verses from Filipi 2

Share

Yin da tieni liba kuli leni mi paadima yantiali, yaa ka yaa kpiagidi n tie fanma fanma po. Ama li yumiinli n teni yin yaa nua yi lieba ke bi cie yi. Oba kuli n da lingi o yuli ŋamu bebe ka, ama yuakuli n yaa lingi o lieba ŋamu.

Yin yaa pia Jesu Kilisiti n den pia yaa yantiali.

O den tie U Tienu n tie maama. Ba ke o den tie yenma leni U Tienu, Waa den sua ke li tie wan baa fie yaala leni u paalu. Ama o den landi laa kpiagidi kuli o yama po, Ki taa o naacemo n tie maama ki lani, Ki tua nani bi nisaaliba n tie maama yeni. Wan den tua nisaalo ki tie nani bi nisaaliba n tie maama, O go den wadi o yuli, Ki tuo ki tiendi U Tienu yanbuama, Ki pundi hali mi kuuma, Ba hali li dapoanpoanli po yaa kuuma.

U Tienu n baa teni yin bua, ki go fidi ki tieni nani o yanjagiŋanli n tie maama.

Li tie lani yaa po ke U Tienu mo jigini o hali boncianla, Ki puni o yaa yeli n cie a yela kuli. Lani, dunli kuli baa gbaani Jesu yeli po, Tanpoli, ki tinga po leni ki tinga tiipo kuli. Nilo kuli mo n tuo Ke Jesu Kilisiti n tie o Diedo, U Tienu yua n tie Baa yaa kpiagidi po.

Yin tiendi yaala kuli, yaa tiendi mani la, ki naa yenbidi, ki da nia leni yiyaba mo. Yeni n tie yin yaa ŋani cain, ki pia li papienli, ki tie U Tienu bila ban kan fidi ki kuli yaaba leni liba kuli, moala ne niba yaaba n joagini ki bia siiga. Yin yaa yieni nani i mukaani yeni ŋanduna yaaba siiga

Lanwani, n buakaaba, nani yin den tuo ki tiendi min yedi yaala min den ye leni yi yaa yogunu kuli maama, moala min kaa go ye leni yi yeni, yin go yaa tiendi yeni ki pugidi. Yin yaa moandi leni li fangili leni mi digibima, ki yaa ye yi tindima yema.