Popular Bible Verses from Filipi 4

Share

Yin da yagi mani yi yama bonliba kuli po. Ama li bonla kuli yaa po, yin waani U Tienu yin luo yaala, ki yaa jaandi ki miadi o, ki go tuondi o.

Lanwani, U Tienu yaa yanduanma, yaama n pendi o nisaalo bandima kuli, baa guudi yi pala leni yi yantiana kuli Jesu Kilisiti nni.

N kpiiba, yaa maama n sieni tie mine: yin yaa tia yaala n tie moamoani, yaala n pia ti jigidi, yaala n tiegi, yaala n ŋani, bi niba n bua yaala ki faadi la kuli, yaala n pia o siediŋamo leni ti bulicindi, ki pundi bi niba n pagi la kuli. Yaa tia mani lankuli yaa po!

N fidi likuli, kelima wani yua n puuni nni li paalu po.

Yaa mangidi mani yi pala o Diedo nni yogunu kuli. N go waani yi yeni, yaa mangidi mani yi pala!

N Tienu baa pa yi yin luo yaala kuli, nani o ŋalimano kpiagidi n tie maama Jesu Kilisiti nni.

Yin go yaa tiendi min den bangi ki tundi yi yaala, yin den gbadi ke n yedi yaala ki go laa ke n tiendi yaala. Lanwani, mi yanduanma Tienu baa yaa ye leni yi.

Yi dingima n yaa doagidi bi niba kuli po. O Diedo cuama nagini.

N bani ki yaa ye leni mi luoma, ki go bani ki yaa ye ki pia ke li kandi. N yema n tie maama kuli leni min ye naankani kuli, n bani ki je ki guo, ki go bani mi koma. N bani ki yaa pia ke li kandi, bi ki yaa ye leni mi luoma.

Mii maadi yeni kelima n luo bonliba kuli ka. N bani ki cuo ki dagini n yema lan tie yaa yema buoli kuli nni.