Popular Bible Verses from 2 Pieri 3

Share

O Diedo baa kuani o ñoanianu moala, ba ke bi nitianba nua ke o waagidi. Li tie ke o pia yi po li juunle, kaa bua ba niyendo n bodi, ama ke bi niba kuli n lebidi bi pala.

N buakaaba, bonyenla n ye, ke laa ŋani yin sundi la. Lani n tie: O Diedo po dayenli tie nani bina tudili, ke bina tudili mo tie nani dayenli yeni.

Ama yin yaa suagi liiga ti Diedo leni ti Candaano Jesu Kilisiti yaa ŋanbili nni leni o yaa bandima nni, ki pugidi. Wani n yaa baadi ti kpiagidi moala leni yaa yogunu kuli. Amina!

O Diedo daali baa cua ki ludi bi niba, nani o suudo yeni. Landaali, tanpoli baa bodi leni ku fuciangu. Yaala n ye lienni kuli baa cuo u mu, ki nandi. Ki tinga leni yaala n ye lienni kuli mo baa cuo, ki buodi.

Lanwani, nani laa bonla kuli n baa nandi ki bodi yeni, li pundi yi tagu n gagidi ki yaa ŋani, ki go tuo U Tienu n yaa die yi cain. Yin yaa guu wani U Tienu daali cuama, ki yaa tiendi yaala n baa teni li daali yeni n jaligi ki cua. Landaali, tanpoli kuli baa cuo ki buodi, yaala n ye kuli baa nandi.