Popular Bible Verses from 2 Pieri 2

Share

Lani kuli yaa po, ti laa ke o Diedo bani ki faabi yaaba n fangi o leni mi biigima, ki go bani ki sieni yaaba n ki tiegi, ki faligi ba ti buudi daali.

Bi yàá den bandi mi teginma sanu, li den baa yaa tu bi po ki cie ban bandi ki lebidi ki ŋaa ban den baa yaa bali maama , yaama n gagidi ki ŋani. Li tie bi po nani yaa kpanjama n tie ne n yedi yaala: «O sangbanlo guani ki dini o siindi.» Li go yedi: «Bi wali o duoñua ke o guani ki labini ti moamoadi nni.»

Bi niani ba ke bi baa baa mi faabima , ama bani bi ba tie ti joagindi yonbi, kelima nilo kuli tie yaala n die o yaa yonbo.

Li yaa tie ke yaaba n den faabi leni ŋanduna joagindi kelima ti Diedo, Jesu Kilisiti o Candaano yaa bandima po, bi yaa go kua lienni ke ti paadi ba, bi juodima baa yaa bia ki cie bi cilima.

Nani bi saawalipua-faadanba n den ye Isidayeli yaaba siiga maama, bi bangi-faadanba moko baa yaa ye yi siiga yene. Bi baa boandi ki kuani mi bangifaama yaama n bia yi siiga. Laa bangima baa bolini bi niba. Bi baa yie ba o Diedo yua n den daa ki faabi ba, ki jaligi ki cuani bi yula po mi bolinma.