Popular Bible Verses from LOMA YAABA 1

Share

Kelima mii jie i fe o Laabaaliŋamo wangima po. Li tie U Tienu paalu yaaba n daani kuli yaa * tindima po, ki cili Jufinba, ki ŋoadi bi nilanba.

O Laabaaliŋamo yeni doagidi U Tienu n saa bi nisaaliba po i moamoani ke bi tiegi maama kelima li dandanli yaa po, leni li dandanli bebe yaa po, nani lan diani maama: «O niteginka baa ye kelima o dandanli yaa po.»

U Tienu paaciamu yu n ki pia gbenma leni wan tie maama naa tie bi nisaaliba n baa fidi ki le yaala. Ama hali ŋanduna tagima yogunu laa bonla kuli doagidi wan tagi yaala yaa niinni. Lani n teni ke baa pia ban baa fidi ki tabi yaala ki ga bi yula.

Kelima baa ke bi bani wani U Tienu, baa kpiagidi o ki go tuondi o nani lan pundi maama, ama bi yaadi bi yankpaagifana nni. Bi yanpiima teni ke bi kua li * biigili nni.

Bi lebidi ki ŋa U Tienu n tie maama moamoani, ki ŋua mi faama. Bi kpiagidi U Tienu n den tagi yaala, ki ŋa wani o Tagido oba, yua n pundi ki yaa baadi ti pagidi hali yaa yogunu kuli. Amina.

U Tienu pabienli doagidi tanpoli po, ki baa cuo yaaba n yie o ki tiendi yaala n ki tiegi kuli, bani yaaba n moandi ki ñii i moamoani leni bi biadima.

Li tie lani yaa po ke U Tienu mo ŋa ba ke bi gbanandi fiima, yaama n tie ti cagindi ki jigidi ba, n paadi ba. Baa bi puoba ŋa U Tienu n bili bipo yaala ki cagini bi yula. Bi jaba moko ŋa U Tienu n bili ke ban yaa taagi leni bi puoba maama. Bi gbanandi fiima co nani mi fantama yeni jatoaba po, ki teni ke bi cagini leni jatoaba. Lanwani bi baadi bani biba yaa panpaani n dagidi bi yaadima yeni po. Nani bi nisaaliba n den sua ke laa pundi ban bandi U Tienu yeni, U Tienu mo ŋa ba ke bi yantiabiada paadi ba, ke ban yaa tiendi yaala n ki pundi.

Baa ke bi kpiagidi bi yula ke bi tie yanfodanba, bi tua yanluodanba. Bi lebidi U Tienu yua n kan kpe yaa kpiagidi, ki kpiagidi a nannana, ya n naani leni o nisaalo yua n baa kpe, leni ti bonyugiditi, leni ti yandi, leni li bonbalinkaala.