Popular Bible Verses from ƆRƆMUKAW 3

Share

Bari mɔgɔ bɛɛ ye kojugu kɛ, u yɔrɔ ka jan Ala la. Nga Ala makarila u la ka k'u jati mɔgɔtilenninw ye Yezu Krista sababu la, ale min y'u kunmabɔ.

Mɔgɔ o mɔgɔ lara Yezu Krista la, Ala bɛ olu bɛɛ jati mɔgɔtilenninw ye, wolomani t'o la.

Mɔgɔ minw lar'a la ko a sara olu kɔsɔn, Ala y'a kɛ olu kunmabɔ saraka ye, waasa k'ale Ala yɛrɛ ka tilenninya yira, bari mɔgɔ minw tun ye kojugu kɛ fɔlɔfɔlɔ, a ma olu jalaki a ka munyuli waati la. O la, mɔgɔ minw lara Yezu la, Ala y'a ka tilenninya yira ni olu ye sisan, k'u kɛ mɔgɔtilenninw ye, janko a ka tilenninya ka ye.

O le y'a to mɔgɔ si tɛ se ka kɛ mɔgɔtilennin ye Ala nyakɔrɔ sariya labatoli barika la, bari an bɛ kojugu lɔn sariya le barika la.

I ko a fɔra Ala ka kuma na cogo min na ko: “Mɔgɔtilennin si tɛ yen, hali mɔgɔ kelen yɛrɛ. O si tɛ koo lɔn, o si tɛ Ala nyini fana. Mɔgɔ bɛɛ filila ka kɛ mɔgɔjuguw ye, o si tɛ konyuman kɛ, hali mɔgɔ kelen yɛrɛ.

Bari an b'a miiri ko adamaden bɛ jati mɔgɔtilennin ye a jigi le barika la. Kɛwalinyuman seen t'o la.

Ayi dɛ! Hali ni adamadenw bɛ galon tigɛ, Ala bɛ tinyɛ fɔ, i ko a fɔra cogo min na ko: “I ka kuma ka kɛ tinyɛ ye, mɔgɔ si kana se k'i jalaki.”