Popular Bible Verses from ƆRƆMUKAW 2

Share

E min b'o koow kɛbaga nunu jalaki, k'a sɔrɔ ele fana b'o koow nyɔgɔn kɛ, e bɛ miiri ko i bɛna kisi Ala ka kiti ma wa? Walima e tɛ Ala ka nyumanya dafanin n'a ka munyuli, an'a ka timinadiyali jati foyi ye wa? K'a sɔrɔ a b'i dɛmɛ a ka nyumanya barika la ka nimisa ka faran i ka kojugu la.

E kɛra mɔgɔ o mɔgɔ ye, tinyɛ t'i fɛ k'i tɔnyɔgɔn jalaki, bari e b'i tɔnyɔgɔn jalaki koo minw na, e yɛrɛ b'o nyɔgɔn kɛ. O la, e yɛrɛ le b'e yɛrɛ jalakila.

Bari Ala tɛ mɔgɔ bɔ mɔgɔ la.

A ma kɛ ko mɔgɔ minw bɛ sariya kuma lamɛn, k'olu le ye mɔgɔtilenninw ye Ala fɛ, mɔgɔ minw b'a sira taama, olu le bɛna jati mɔgɔtilenninw ye Ala fɛ.

Ale le “bɛna mɔgɔ kelen kelen bɛɛ sara ka kɛnyɛ n'u ka kɛta ye.”

Nga minw bɛ sɔsɔli kɛ ka muruti tinyɛ ma ka to kojugu la, olu ta ye dusubɔ ni dimi ye.

E ka dusukungwɛlɛya n'i ka murutili kɔsɔn, e bɛ dimi fara dimi kan Ala fɛ, k'a ka dimi bɔlon n'a ka kiti tilennin loon makɔnɔ.