Popular Bible Verses from Wulu-ayi-sob 6

Share

Fʋ na nɔnɛ nɩ a Sore fʋ Naaŋmɩn nɩ a fʋ pʋɔ za, nɩ a fʋ sɩ́ɛ za, nɩ a fʋ fãw za.

Fʋ na zanɩ nɩ a nɩ a fʋ bibiir, fʋ na ƴɛ̀rɛ nɩ a ƴɛ̀rʋ a bɛ zie, a lɛn daar fʋ na zɩ̃ a fʋ yir a, bɩɩ fʋ na cere a sɔ́r zu a, a lɛn daar fʋ na gã bɩɩ fʋ na ìr a.

A nɛ-ƴãwnɩ ɩ̃ na kʋ̀rɛ fʋ a dɩ̃a a na be n a fʋ pʋ̃ɔmɩ.

«Nyɩ wone, Ɩsɩrayɛl bʋʋrɛ ɛ, a Sore tɩ Naaŋmɩn n'ɩ a Sore been yõ.

Fʋ na 'lẽ a na ƴãw a fʋ kpãkpãw ƴãw nɩ a fʋ gbẽé taa yiire a bɛrɛ ɩ.

Fʋ na sɛb a na ƴãw a fʋ yir dɩ̃dɔ-mimir dàar ƴãw, nɩ a fʋ tẽ-bɛrɛ dɩ̃dɛɛ ƴãw.»

Nyɩ na zɔrɛ nɩ a Sore nyɩ Naaŋmɩn, ʋl yõ n'ʋ nyɩ na mɩ́ lo gbĩ dume puori, ʋl yõ yúor'ʋ nyɩ na mɩ́ pɔ n.

A Sore nyɩ Naaŋmɩn wa tɛr nyɩ kpɛ n a tẽw ʋ na kʋ̀rɛ nyɩ a pʋɔ, mɛ̃ a lɛ ʋ na tɩ pɔ a nyɩ sãàkʋm-kore Abraham, Ɩzaakɩ nɩ Zakɔb zie a, nyɩ na tɩ nyɛ̃ nɩ a be tẽ-bɛrɛ vɩɛlɩ nyɩ na bɛ mɛ a, yie na paalɩ bʋ̃-vɩɛlɩ bʋʋrɛ za nyɩ na bɛ ƴãw a. Nyɩ na tɩ nyɛ̃ nɩ a be buli nyɩ na bɛ tuw a, divɛ̃ tɩɩr nɩ olivʋ tɩɩr nyɩ na bɛ sɛl a. Nyɩmɛ wa dɩ tɩw baar a, nyɩɩm gù vla a lɛn daar taa yiire a Sore bɛrɛ ɩ, ʋl na ɩ nyɩ yi a Eziptɩ tẽw, a be nyɩ na tɩ ɩ gbãgbaar a.

Nyɛ̃ a nɛ-ƴãwnɩ, a wulu nɩ a tub a Sore nyɩ Naaŋmɩn na yel k'ɩ̃ɩ wul nyɩ, kɛ̀ nyɩ tɩ tuur a tẽw nyɩ na kʋ̃ yaa kɛ́ de so a pʋɔ a. À ŋá n'a a nyɩ cãafʋ daar za nyɩ na zɔrɛ a Sore nyɩ Naaŋmɩn, nyɩmɛ nɩ a nyɩ bʋʋrɛ. A nyɩ nyɔ-vʋʋrʋ na wõwme na nyɩmɛ wa sàwr a wulu á ŋá nɩ a nɛ-ƴãwnɩ á ŋá ɩ̃ na kʋ̀rɛ nyɩ a.

Nyɩ ɩrɛ a lɛ na tu sɔ́r a, nyɩ ɩrɛ a lɛ na pɛlɩ a Sore pʋɔ a. A lɛn daar a, nyɩ na wone nɩ nʋ̃ɔ̀, ɛ́ nyɩ na tʋ̃ɔ́ na so a tẽ-vla a Sore na pɔ yel k'ʋʋ na kʋ̀ n a nyɩ sãàkʋm-kore a.

Bʋ̃ʋ n'ʋ vɛ̃, a Sore nyɩ Naaŋmɩn na be a nyɩ sɔgɔ a ɩ n Naaŋmɩn na kpɛ nyuur a. Nyɩ gù vla taa damnɛ a ʋ suur ɛ, ʋ nãà mab'a ɩ nyɩ kpi pàw pɛr a tẽw zu.

Nyɩ kʋ̃ tuur ŋmɩn-yoru pùor ɛ, a nɩ-bʋʋrɛ na na jil koli nyɩ a ŋmɩmɛ.

Nyɩ taa ɩrɛ a Sore nyɩ Naaŋmɩn kaar mɛ̃ a lɛ nyɩ na tɩ ɩ a Masa a ɩ.