Popular Bible Verses from Wulu-ayi-sob 7

Share

Nyɩ bãwnɩ a k'aa Sore nyɩ Naaŋmɩn n'ɩ a Naaŋmɩn-sɩza been yõ. Ʋ ŋmɛ̃ n ʋ ŋmɛ̃a, ɛ́ mɩ́ tɛr a ʋ wõ-taa nɩ a ʋ nɔ̃wfʋ tɩ ta a nɩbɛ na dɔw tu taa gb'aa túr a, a bɛlɩ dem na nɔnɛ ʋ ɛ́ sàwr a ʋ nɛ-ƴãwnɩ a zie.

Bʋ̃ʋ n'ʋ vɛ̃, nyɩ ɩ n nɩ-bʋʋrɛ a Sore nyɩ Naaŋmɩn na so a. Nyɩmɛ nɛbɛ a Sore kaa ír, a tẽw zu nɩ-bʋʋrɛ za pʋɔ, kɛ́ nyɩ ɩ nɩ-bʋʋrɛ ʋ na sʋ̃ɔmɩ bul so a.

Ɛcɛ a Sore nɔnɛ nyɩ na, ɛ́ tu a lɛ ʋ na tɩ pɔ yel a nyɩ sãàkʋm-kore zie a. Ʋ ɩ n nɩ a ʋ fãw na bɛ tɛr tʋ̃ɔ́fʋ a nyɩ yi a Eziptɩ, a be nyɩ na tɩ ɩ gbãgbaar a. Ʋ faa nyɩ nɩ a Eziptɩ nãà Faarawɔ̃ nuru pʋɔ.

A Sore wa tu nyɩ ɛ́ kaa ír nyɩ a, nyɩ na yãwmɛ zuo a nɩ-bʋʋrɛ za a ƴãw bɛ n'a ɩ. Nyɩmɛ nɛbɛ nɩ̃ɛ ɩ pʋrɩ zuo a nɩ-bʋʋrɛ za.

Ʋ na maalɩ nyɩ na zuo a nɩ-bʋʋrɛ za. Dɛb-ãan, pɔw-ãan nɩ dʋ̃w-ãan kãw za bɛ bere a nyɩ pʋɔ ɩ.