Popular Bible Verses from Orom Sɛbɛ 5

Share

ɩ̃-cɛ a Naaŋmɩn miil sɩ na a mɩnɛ ʋ na tɩɩ nʋnɔ sɩ, a-na-ɩ a lɛdaar sɩ na dãa cãa ɩ a maal-fãa deme, a Kirisi kpi na a sɩ ɩnɛ.

A ʋna gufʋ tɩɛrʋ̃ son kɔ̃ wa ƴɔ̃w sɩ vĩ wa, a-na-ɩ a Naaŋmɩn barʼã a ʋ nʋfʋ ƴɔ̃w a sɩ suur pʋɔ, a ʋ Sɩɛ ʋ na kʋ sɩ ɩnɛ.

Ɩ̃ aa ɩ lɛ tɛw ʋ wa, ɩ̃-cɛ sɩ ma mɩ cɩlɛ na a won pʋɔ sɩ na be, a-na-ɩ a won ɩnɛ sɩ ma pɔw a su-nyɔwraa, ɩ̃ a su-nyɔwraa tɩɩrɛ na a su-varkpara, ɩ̃ a su-varkpara mɩ tɩɩrɛ a gufʋ tɩɛrʋ̃ son.

Ala-ɩ̃-sɔ, a mɩnɛ sɩ na lɛ tor a Naaŋmɩn nii-sɔw a sɩ ƴɔ̃w-nyãa ɩnɛ, sɩ tɛrɛ nɩ ʋ na a pɩɛnfʋ a sɩ Nɩ-kpɛ̃ɛ *Jeeju-Kirisi ɩnɛ. Ɩ̃ a mɩnɛ sɩ na tɛrɛ nɩ a *Kirisi a ƴɔ̃w-nyãa, sɩ pɔw na a sɔr be a Naaŋmɩn wɩɛfʋ pʋɔ, a jie sɩ na be ɩraa a ƴɛ̃ƴɛrɩ̃. Ɩ̃ a ala na lɛ maal sɩ a sɩ cɩlɛ ɩ na a tɩɛrʋ̃ son sɩ na tɛrɛ a Naaŋmɩn na-yele pɔwfʋ ɩnɛ.

A lɛdaar sɩ na dãa cãa bal, a lɛ a Kirisi kpi a nɩ-bebe ɩnɛ a daar ʋlɔ ba na dãa ƴɔ̃w.

Ɩ̃ a mɩnɛ ʋ na lɩɛb sɩ a sɩ tor taa nɩ a Naaŋmɩn a ʋ jɩ̃ɩ ɩnɛ a lɛ, a lɛ sɩ mɩ sɩrɩ̃ bɔ̃w ka ʋ nɔɔ mɩ faa sɩ na a Naaŋmɩn su-tuo pʋɔ.

Ɩ̃ a mɩnɛ a nɩ-bõ-ƴen to-wõwfʋ na ƴɔ̃w a nɩ-yaw a ba ɩ a maal-fãa deme, a lɛ ʋ mɩ a nɩ-bõ-ƴen to-wõfʋ na mɩ lɩɛb a nɩ-yaw a ba tor a Naaŋmɩn nii-sɔw.

Ɩ̃ aa ɩ a ʋna tɩɛrʋ̃ tɛw sɩ tɛrɛ wa, ɩ̃-cɛ sɩ cɩlɛ na a Naaŋmɩn nii-sɔw a sɩ Nɩ-kpɛ̃ɛ Jeeju-Kirisi ɩnɛ, a-na-ɩ a ʋlɔ ɩ̃ ɓaalɩ̃ sɩ a ƴɛ̃ƴɛrɩ̃ a sɩ tɛrɛ a lãw-taa.