Popular Bible Verses from 1 Timote Sɛbɛ 2

Share

A-na-ɩ a Naaŋmɩn bõ-ƴen tẽtẽ ɩ̃ be be, ɩ̃ *lɔlʋɔrɔ bõ-ƴen tɛw mɩ be be a Naaŋmɩn nɩ a nɩbɛ sɔɔlɩ̃sɔw. Ʋ ɩ na a nɩrɛ ʋlɔ na ɩ a *Jeeju-Kirisi, na tɩɩr a ʋ mɩ̃ɛ a kũu pʋɔ naa ʋ da nɩ a nɩbɛ ba jaa ɩ̃ faa ba. A nɔhɔ̃ a *Jeeju miilʼɩ̃ a Naaŋmɩn pʋ-tɩɛrʋ̃ a daar ʋlɔ na sɛw.

A dãdãw bom ɩ̃ na bʋɔrɔ ɩ na a nyɩ na puoro a Naaŋmɩn, sʋɔrɔ nɩ ʋ, ɩ̃ mɩ sʋɔrɔ ƴɔnɔ a nɩbɛ, puoro nɩ ʋ a nɩbɛ ba jaa ɩnɛ. Nyɩ́ sʋɔrɔ ƴɔnɔ a jamansɩ nɩ a fãgã deme ba jaa, a mɩnɛ sɩ na tʋɔrɔ tɛrɛɛ a pɩɛnfʋ jɩnɛɛ nɩ jom, ƴɔnɔ nɩ a Naaŋmɩn mɩ cere nɩ dẽdẽ a sɩ maalfʋ pʋɔ.

Ala-ɩ̃-sɔ ɩ̃ bʋɔrɔ na, a jiir a jaa, a dabsɩ bá jã a nur puoro nɩ a Naaŋmɩn nɩ su-cɛcɛ, kɔ̃ nyɛ suur cɩɩrɛ nɩ taa wa. Ɩ̃ mɩ bʋɔrɔ na a pɔɔbɔ ba ma su a yele ala na sɛw, a mɩnɛ ba kɔ̃ wa cʋrɔ a dabsɩ fere nɩ, ma wobʼɩ̃ a juu nyɩrɩ̃ kãka, ƴɔnɔ nɩ a sɛlmɛ yele, mɩɩ a lɛr-nyɩlɩsɩ, mɩ suure nɩ a cẽcene ala na nyɩrɩ̃ kpɛmɛ a dafʋ wa. Ɩ̃-cɛ a ala na sɛw nɩ a pɔɔbɔ bala na puoro a Naaŋmɩn ɩ na ba maala tʋ̃-vɛlɛ.