Popular Bible Verses from Urambuyo lwa Yohane 13

Share

Ia wwo a uṛango. Ulya awore uṛango ataale itaala lya ifisi lyo, amu ni itaala lya irina lya nndu. Na itaala lyayo ni mayana arindaru na makumi arindaru na firindaru.

Na valya vakee kunu isangeń valifukiyaa nri valya woose vatakee vatisiṛe marina awo kuuka isanga lyeentanwaa kitabuń kya muu kya ngarina ilya indesikywa.

Nalyo lyakaba woose nrwe vakee vannya na vanini na masimba na vakiva na vakee vaotoṛe na maketi varwaa kiringisio ukoń lwawo usha ana kisanguń kyawo, amu nndu na kava i atamakii yuṛa kindo ana ikumba kindo kita ulya arie kiringisio kilya kya irina lya ifisi lia ana itaala lya irina lyayo.

Nndu afingaa vengi nae afingwaa, Na nndu awaa vandu na shombo kyawara awalwa na shombo. Ia wwo andu a isisiria na ikusura lya vasongori.

Mfo nalolia ifisi liiukaa nruveń liiworee mbembe ikumi na mirwe mfungare. Na ifo mbembeń tayo liiworee mbundu ikumi ta kimangi, na mirweń yayo eeifoo marina a iruma Iṛuva.

Lingi likaniingwa muumu wa itania fira na vasongori na ivavinga. Likaniingwaa na imakii lya ishilia makanika woose na ngyufwari na mirerie na va masanga woose.

Nalyo likateveta valya vakee isangeń na maṛiikiso alya nndeniingwa liatane mbele ya ifisi lyo liiaa valya vakee isangeń vasongosie fwana ya ifisi lia liwore kyaasha kya shombo, nalyo likakaa na muu. Likaniingwa na imakii lya irwaya fwana ya ifisi lia mumuyo wa muu. Na fwana ilya ikamakii irera na iwaa iwo woose vandelea ifukiya fwana ya ifisi li nri.

Na ifisi lyo nndelilolia liifwanii ngwe na fidawu fayo tiikee sha fa kyaalo na kana kayo nsha kana ka miiso. Shoka ilya ikaliniingia finya tayo na kifumbi kyayo na imakii iingi.

Nalyo likaniingwa kana ka irera firero fa nrumu likaniingwa imakii lya iṛunda mashoṛa ayo miiri makumi aani na ivili.

Na umwi wa mirwe yayo nsheeli wammaa ikabwa kyaasha kya ufu, na ikabwa lyayo lya ufu likashiiswa. Isanga lyoose likaṛiikia ifisi lia.

Numa nalolia ifisi lingi liisaamaa lyuka na ifo si. Nalyo liiworee mbembe ivili sha suve likarera sha shoka. Nalyo Iikee iṛunda na imakii lyoose lya ifisi lia lya mbele kisanguń kyayo. Nalyo likee yaṛua isanga na woose veefo vafukiye ifisi lia lya mbele nri llia faasha fayo fa ufu findeshia.