Popular Bible Verses from Barua ya Vaebrania 4

Share

Amu kirero kya Iṛuva kiwore muu, lingi kiwore finya, lingi kiwore uvave kita shombo shooi kuvili. Lingi kitotaa na yaava nrima na ngoo na meeṛo na miingo ikee kari kayo. Lingi nkyaangu na yelelia makusaṛo na mifurie ya nrima.

Kyasia ndefoń teende kifumbiń kya uwoo lwamwi na ifura, amu taavio̱-wo ililia na uwoo kyeeri tuuṛi yelekio̱.

Fulya titawore nrasia nnini atamakii ivavio̱ mmuu kya ngyutanyaṛi teru, kake andeelelio̱ findoń foose sheese, nta ivingwa mmareko.

Ana nta kiifo kindo kitane kitakee na baa mbele ya Iṛuva ndi, kake findo foose fikworusie na baa mbele ya miso amwi ito tiuṛwaa yye.

Kyasia toore nrasia weru nnini akilie vengi anderwa iṛuvewu yye Yesu Mwana wa Iṛuva, kwa ikyo tikuware nnu na inrambua lyeru.

Kyasia titanie utomari taake kiimuyoń kyo, amu atalolike nta nndu umwi awaa eelatiaa miloshie ilya ya valya vandelea.